Baqytjan Saǵyntaev almatylyqtardan ózin oqshaýlaý erejesin saqtaýǵa shaqyrdy
Qala ákiminiń aitýynsha, mundai jaýapsyzdyqqa jol berýge bolmaidy, óitkeni bul qoǵamdyq densaýlyqqa qaýip tóndiredi. Adam simptomsyz aýrýy múmkin ári ol virýstyń tasymaldaýshysy bolyp tabylady. Baqytjan Saǵyntaev barlyq qalalyqtardyń sanitarlyq-epidemiologiialyq qaýipsizdik sharalaryn qatań saqtaýlary tiis ekendikterin atap ótti.
Búginde mobildi AMSK toptarynyń jáne Telemeditsina ortalyǵynyń baqylaýynda 2306 naýqas úide jatyr, olardyń 291-i simptomsyz, 1970-i jeńil jáne 45-i ortasha aýyr dárejede.
Habarlanǵandai, aǵymdaǵy jyldyń 9 sáýiri men 1 shildesi aralyǵynda Ashyq mobildi qosymshasynyń kómegimen QR-kodyn skanerleý nátijeleri boiynsha 1449 turǵynnyń «qyzyl» mártebesi rastaldy. Taǵy 370 turǵynnyń «sary» mártebesi anyqtaldy.
Aita keterligi, Almatynyń SEBD málimetteri boiynsha, 28 maýsym men 1 shilde aralyǵynda Ashyq jobasy boiynsha jumys isteitin kásipkerlik nysandaryna kire beristegi skanerleý nátijesinde 28 turǵynnyń «qyzyl» mártebesi, 9-ynyń «sary» mártebesi rastaldy. Anyqtalǵanyndai, olar fitnes-ortalyqtarǵa, basseinderge, kinoteatrlarǵa, kafeler men meiramhanalarǵa kirýge tyrysqan.
Qalada Ashyq jobasyna 2331 qatysýshy bar. Aitpaqshy, jobaǵa qatysý erejeleriniń saqtalýy turaqty túrde baqylanady. Aǵymdaǵy jyldyń 1 mamyrynan bastap júrgizilgen reidter barysynda monitoringtik toptar Ashyq jobasynda jumys isteitin 125 kásipkerlik sýbektileri boiynsha shekteýli karantindik talaptardyń buzylýyn anyqtady.
Ótken aptada KVI derti 1,7 esege ósti, sońǵy táýlikterde KVI-diń 299 jaǵdaiy tirkeldi, táýliktik ósim 0,3%-dy qurady.
7 shildedegi jaǵdai boiynsha qalada 76 407 jaǵdai tirkeldi, onyń 59 660-y simptomdy jáne 16 747-si simptomsyz, anyqtalmaǵan pnevmoniia - 2013. 6 shildede koronavirýsty juqtyrýdyń 299 jaǵdaiy tirkeldi, onyń ishinde 259-y simptomdy, 40-y simptomsyz.
Táýliktik ósim – 0,3%. Reprodýktivti sany – 1,353.
Infektsiialyq statsionarlarda 1131 adam (80 bala) emdelýde, onyń 33-i óte aýyr, 256-sy aýyr, 842-i ortasha aýyrlyq dárejesinde. Reanimatsiia jáne intensivti terapiia bólimderinde barlyǵy 102 adam bar.
ÓJJ apparatynda – 19, invazivti emes ÓJJ – 34, High flow apparatynda – 22.
