Eńbekshi aýlydyq okrýgine qarasty 5 eldi mekende 5983 turǵyn bar. 856 sharýa qojalyq 5328 gektar egistik alqapty ıgerip otyr. Sondaı-aq, 13 sharýa qojalyq mal bordaqylaýmen, 4 sharýa qojalyq shaǵyn januıalyq sút fermasymen aınalysýda. Okrýgte 6 mektep, 9 balabaqsha, 1 SVA, 4 FAP, 1 kitaphana, 12 saýda núktesi, 1 janar jaǵarmaı quıý beketi, 1 maqta jún tútý sehy, 1 dıirmen, 1 pochta bólimshesi turǵyndarǵa qyzmet kórsetýde.
Eńbekshiniń turǵyndary negizinen aýyz sý, kóshege asfált tóseý máselelerin kóterdi. Sondaı-aq, aýdan ákimi Nurlytań eldi mekenindegi apatty jaǵdaıdaǵy kópirdi arnaıy baryp kórip, máseleni sheshýdi kelesi jyldyń josparyna engizetinin aıtty.
Munan soń óńir basshysy Iirjar aýlydyq okrýgine aıaldady. Turǵyndarynyń sany 10 myńnan asaty okrýgte 9 eldi meken bar. Iirjarlyqtar da mal sharýashylyǵyn damytýda ilgerilep keledi. Okrýgte turǵyndar 4720 iri qara, 1860 ýaq maldar, 422 jylqy, 5615 qusty baǵyp otyr. Sondaı-aq, 7439,2 gektar egistik alqapty sharýalar ıgergen.
Iirjar aýyldyq okrýginde 6 mektep, 2 SVA, 4 FAP, 1 mádenıet úıi, 1 kitaphana, 3 pochta bólimshesi, 1 kooperatıv, 12 saýda núkteleri halyqqa qyzmet kórsetýde. Okrýgte jańa mektep ǵımarattaryn salý qarqyndy júrip jatyr. Bilim kúni qarsańynda oblys ákimi J.Túımebaev osyndaǵy Naýryz aýylynda N.Bekejanov jalpy orta mektebin ashyp bergen bolatyn.
Iirjarlyqtar da negizinen aýyzsý, kóshege asfált tóseý máselelerin kóterdi. Sondaı-aq, PÝID-2 baǵdarlamasy boıynsha tik drenajdar men kolektorlyq júıelerdi tazalaýdy tezirek qolǵa alý kerektigin jetkizdi.
Maqtaaral aýdany ákiminiń baspasóz qyzmeti
