– Baqaýovty úsh jyl alty aiǵa bas erkindiginen aiyrý jáne memlekettik qyzmetpen ainalysýyna birjolata tyiym salý týraly sheshim shyǵaramyn, – dedi Pavlodar qalasy № 2 qylmystyq sotynyń sýdiasy Nurlan Qaiyrbekov.
Budan bólek jazasyn tolyq ótep shyqqanǵan deiin Baqaýov jylyna 100 saǵat kóleminde májbúrli túrde qoǵamdyq jumysqa tartylady.
Eks-ákimniń eki birdei memnagradasy bar: biri "Eren eńbegi úshin" medali, endi biri "Qurmet" ordeni. Sot sheshimimen Baqaýov orden-medalinen aiyryldy.
Sot úkimi Baqaýov qamaýǵa alynǵan 2020 jyldyń 18 aqpanynan bastap kúshine enedi. Osyǵan deiin Pavlodar oblysy UQK departamentinde saqtaýly jatqan Baqaýovqa tiesili 10 myń dollar jáne telefon sim-kartasy iesine qaitarylyp berildi.
Sot úkimi oǵan oiyn-saýyq oryndaryna barmaýǵa, turǵylyqty jerinen shyqpaýǵa, probatsiia qyzmetine kelýge tyiym saldy.
Eks-ákimniń múlki tárkilenbeitin boldy. Baqaýov sot-saraptama jumysyna jumsalǵan shyǵynnan bólek, zardap shekkenderge ótemaqy retinde 20 AEK tóleýge mindetteldi.
Sotqa deiingi tergeý amaldary kezinde eks-ákim kinásin moiyndady, keltirilgen shyǵyn tolyq óteldi.
Bolat Baqaýov biylǵy jyldyń 15 qańtarynda qyzmettik ókilettigin asyra paidalanǵany úshin qamaýǵa alynǵan.
