Pavlodar oblysynyń ákimi elimizdiń ońtústiginen kóship kelgen turǵyndardyń bárine jer berip, baspana satyp alýǵa kómektesetinin aıtty. Búginde Pavlodar oblysyna 377 otbasy qonys aýdarǵan. Jyl sońyna deıin taǵy 83 otbasy kóship kelgeli otyr.
«Ońtústikte jer telimin alý qıyn. Biz Pavlodar oblysyna kóship kelgenderdiń bárine jer telimin berýge daıynbyz. Bizde jer telimi jetkilikti», – deıdi oblys basshysy.
Sonymen qatar Bolat Baqaýov adamdardy jerdý sýarý júıesin jáne aýyl sharýashylyǵyn damytýmen aınalysýǵa shaqyrdy. Al mundaı eńbek qolynan kelmegenderdi óńirdegi ónerkásiptik kásiporyndarǵa jumysqa ornalastyrýǵa ýáde etti. Óz sózinde oblys ákimi Ýspen aýdanyndaǵy Olgınka aýlyn mysalǵa keltirdi. Aýylda elimizdiń ońtústiginen kóship kelgender sany kóp. Olardyń bári eshteńege muqtaj emes, deıdi ákim.
«Aýyldarda arzan úıler bar. Óz kezeginde biz solardy satyp alýǵa kómektese alamyz. Sonymen qatar ár otbasyǵa 7 tonnadan kómir bólinedi», – deıdi Baqaýov.
Dıas SHAIZAQOV
