Osy oraıda el Táýelsizdiginiń 27 jyldyq merekesine oraı Túrkistan oblysy jastarynyń arasynda «Túrkistan jastar premıasy» baıqaýy bastaldy.
Onda eldiń saıası jáne qoǵamdyq ómirine belsene aralasyp, oblys kóleminde memlekettik jastar saıasatynyń damýyna úles qosyp, túrli salada óziniń bilimimen, talantymen, belsendiligimen top jarǵan jastar iriktelip, marapattalady.
Búgin bul týraly Túrkistan oblysynyń Óńirlik komýnıkasıalar qyzmetinde ótken brıfıńte Túrkistan oblysynyń «Jastar resýrstyq ortalyǵy» mekemesiniń basshysy Bereke Dýısebekov málimdedi.
Onyń atap ótkenindeı, atalǵan baıqaý — daryndy, talapty jastardyń shyǵarmashylyq izdenisterine, qoǵamdyq bastamalaryna jáne tulǵalyq qalyptasýyna keńinen múmkindikter ashatyn bolady.
«Túrkistan jastary premıasy» baıqaýynda «Úzdik jas jazýshy», «Úzdik jas aıtysker aqyn», «Úzdik jas dáriger», «Úzdik jas óndiris mamany», «Úzdik jas erikti», «Úzdik jas sportshy», «Beıbit ómir batyry» syndy birneshe atalymdar boıynsha úzdikter anyqtalady.
Sondaı-aq, oblystyq buqaralyq aqparat ókilderi arasyndaǵy atalymdar da bolady. Qatysýshylardyń jas ereksheligi 14 pen 29 jasqa deıin bolýy tıis», — dedi óz sózinde Bereke Talǵatuly.
Aıta ketelik Túrkistan óńirinde talapty, talantty jastardy qoldaý baǵytyndaǵy sharalar jyl saıyn uıymdastyrylyp otyrady. «Túrkistan jastar premıasy» baıqaýy da talaı talanttyń ekinshi tynysyn ashary anyq.
