وسى ورايدا ەل تاۋەلسىزدىگىنىڭ 27 جىلدىق مەرەكەسىنە وراي تۇركىستان وبلىسى جاستارىنىڭ اراسىندا «تۇركىستان جاستار پرەمياسى» بايقاۋى باستالدى.
وندا ەلدىڭ ساياسي جانە قوعامدىق ومىرىنە بەلسەنە ارالاسىپ، وبلىس كولەمىندە مەملەكەتتىك جاستار ساياساتىنىڭ دامۋىنا ۇلەس قوسىپ، ءتۇرلى سالادا ءوزىنىڭ بىلىمىمەن، تالانتىمەن، بەلسەندىلىگىمەن توپ جارعان جاستار ىرىكتەلىپ، ماراپاتتالادى.
بۇگىن بۇل تۋرالى تۇركىستان وبلىسىنىڭ وڭىرلىك كوممۋنيكاسيالار قىزمەتىندە وتكەن بريفينگتە تۇركىستان وبلىسىنىڭ «جاستار رەسۋرستىق ورتالىعى» مەكەمەسىنىڭ باسشىسى بەرەكە دۋيسەبەكوۆ مالىمدەدى.
ونىڭ اتاپ وتكەنىندەي، اتالعان بايقاۋ — دارىندى، تالاپتى جاستاردىڭ شىعارماشىلىق ىزدەنىستەرىنە، قوعامدىق باستامالارىنا جانە تۇلعالىق قالىپتاسۋىنا كەڭىنەن مۇمكىندىكتەر اشاتىن بولادى.
«تۇركىستان جاستارى پرەمياسى» بايقاۋىندا «ۇزدىك جاس جازۋشى»، «ۇزدىك جاس ايتىسكەر اقىن»، «ۇزدىك جاس دارىگەر»، «ۇزدىك جاس ءوندىرىس مامانى»، «ۇزدىك جاس ەرىكتى»، «ۇزدىك جاس سپورتشى»، «بەيبىت ءومىر باتىرى» سىندى بىرنەشە اتالىمدار بويىنشا ۇزدىكتەر انىقتالادى.
سونداي-اق، وبلىستىق بۇقارالىق اقپارات وكىلدەرى اراسىنداعى اتالىمدار دا بولادى. قاتىسۋشىلاردىڭ جاس ەرەكشەلىگى 14 پەن 29 جاسقا دەيىن بولۋى ءتيىس»، — دەدى ءوز سوزىندە بەرەكە تالعات ۇلى.
ايتا كەتەلىك تۇركىستان وڭىرىندە تالاپتى، تالانتتى جاستاردى قولداۋ باعىتىنداعى شارالار جىل سايىن ۇيىمداستىرىلىپ وتىرادى. «تۇركىستان جاستار پرەمياسى» بايقاۋى دا تالاي تالانتتىڭ ەكىنشى تىنىسىن اشارى انىق.
