BAQ arasynda Astananyń damýyna qatysty baiqaý bastaldy

Elorda kúnine orai BAQ ókilderi arasynda úzdik jariialanymdar, reportajdar, BAQ jáne áleýmettik jelilerdegi Astananyń damýy týraly siýjetter baiqaýy júrip jatyr, – dep habarlaidy Dalanews.kz Astana qalasy ákiminiń baspasóz qyzmetine silteme jasap.

Baiqaýǵa qatysýǵa barlyq qazaqstandyq BAQ ókilderi shaqyrylady. Baiqaýdy Astana qalasynyń Ishki saiasat basqarmasynyń qoldaýymen qalalyq Kommýnikatsiialar qyzmeti uiymdastyrady.

Astana týraly 2023 jyldyń 1 maýsymynan 2024 jyldyń 23 maýsymyna deiingi kezeńde jariialanǵan/efirge shyqqan memlekettik tildegi jáne orys tilindegi materialdar qabyldanady. Bir qatysýshy konkýrsqa 1 materialdan artyq emes jáne tek bir nominatsiia boiynsha usyna alady.

Baiqaý kelesi nominatsiialar boiynsha ótkiziledi:

1) «Úzdik jýrnalist-sarapshy» – elorda týraly baspa basylymdarynda jaryq kórgen saraptamalyq materialdar;

2) «Úzdik sholýshy» – Astana qalasynyń áleýmettik-ekonomikalyq damýy týraly internet-basylymdardaǵy materialdar;

3) «Úzdik radioreportaj» – Astanaǵa arnalǵan radiosiýjetter;

4) «Úzdik telesiýjet» – qala ómiri týraly telesiýjetter;

5) «Úzdik mobilograf» – aero túsirilimdi qoldana otyryp, megapolis ómiri týraly beinerolikter;

6) «Úzdik fotoreportaj» – Astana týraly fotosýretter;

7) «Áleýmettik jelidegi Astananyń 25 jyldyǵy týraly úzdik material» arnaiy nominatsiiasy – áleýmettik jelidegi úzdik materialdardy anyqtaýǵa baǵyttalǵan. Áleýmettik jelilerdegi (Facebook, Instagram jáne TikTok) tanymal toptar men pablikter qatysýǵa ótinish bere alady;

8) «Astana qalasy Maslihaty jaily úzdik material».

Nominatsiialar boiynsha jeńimpazdardy belgili jýrnalisterden, media-sarapshylardan jáne elordadaǵy osy salanyń qurmetti ókilderinen quralǵan konkýrstyq komissiia aiqyndaityn bolady.

Eń úzdik jumys aqshalai sertifikattarmen yntalandyrylady. Birinshi oryn – 1 million teńge, ekinshi oryn – 500 myń teńge, úshinshi oryn – 300 myń teńge.

Ótinimder 2024 jyldyń 23 maýsymyna deiin qabyldanady.

Konkýrsqa qatysý úshin sluzhbakommunikatsiy@mail.ru poshtaǵa kelesi derekter jiberý kerek:

1. T.A.Á.
2. jumys orny;
3. maqalaǵa silteme nemese foto / video material;
4. nominatsiialardyń qaisysyna úmitkersiz;
5. bailanys derekteri.

Uiymdastyrý komitetiniń bailanys telefony: +7 (778) 812 25 60.