ەلوردا كۇنىنە وراي ب ا ق وكىلدەرى اراسىندا ۇزدىك جاريالانىمدار، رەپورتاجدار، ب ا ق جانە الەۋمەتتىك جەلىلەردەگى استانانىڭ دامۋى تۋرالى سيۋجەتتەر بايقاۋى ءجۇرىپ جاتىر، – دەپ حابارلايدى Dalanews.kz استانا قالاسى اكىمىنىڭ باسپا ءسوز قىزمەتىنە سىلتەمە جاساپ.

بايقاۋعا قاتىسۋعا بارلىق قازاقستاندىق ب ا ق وكىلدەرى شاقىرىلادى. بايقاۋدى استانا قالاسىنىڭ ىشكى ساياسات باسقارماسىنىڭ قولداۋىمەن قالالىق كوممۋنيكاسيالار قىزمەتى ۇيىمداستىرادى.

استانا تۋرالى 2023 جىلدىڭ 1 ماۋسىمىنان 2024 جىلدىڭ 23 ماۋسىمىنا دەيىنگى كەزەڭدە جاريالانعان/ەفيرگە شىققان مەملەكەتتىك تىلدەگى جانە ورىس تىلىندەگى ماتەريالدار قابىلدانادى. ءبىر قاتىسۋشى كونكۋرسقا 1 ماتەريالدان ارتىق ەمەس جانە تەك ءبىر نوميناسيا بويىنشا ۇسىنا الادى.

بايقاۋ كەلەسى نوميناسيالار بويىنشا وتكىزىلەدى:

1) «ۇزدىك جۋرناليست-ساراپشى» – ەلوردا تۋرالى باسپا باسىلىمدارىندا جارىق كورگەن ساراپتامالىق ماتەريالدار؛

2) «ۇزدىك شولۋشى» – استانا قالاسىنىڭ الەۋمەتتىك-ەكونوميكالىق دامۋى تۋرالى ينتەرنەت-باسىلىمدارداعى ماتەريالدار؛

3) «ۇزدىك راديورەپورتاج» – استاناعا ارنالعان راديوسيۋجەتتەر؛

4) «ۇزدىك تەلەسيۋجەت» – قالا ءومىرى تۋرالى تەلەسيۋجەتتەر؛

5) «ۇزدىك موبيلوگراف» – اەرو ءتۇسىرىلىمدى قولدانا وتىرىپ، مەگاپوليس ءومىرى تۋرالى بەينەروليكتەر؛

6) «ۇزدىك فوتورەپورتاج» – استانا تۋرالى فوتوسۋرەتتەر؛

7) «الەۋمەتتىك جەلىدەگى استانانىڭ 25 جىلدىعى تۋرالى ۇزدىك ماتەريال» ارنايى نوميناسياسى – الەۋمەتتىك جەلىدەگى ۇزدىك ماتەريالداردى انىقتاۋعا باعىتتالعان. الەۋمەتتىك جەلىلەردەگى (Facebook، Instagram جانە TikTok) تانىمال توپتار مەن پابليكتەر قاتىسۋعا ءوتىنىش بەرە الادى؛

8) «استانا قالاسى ماسليحاتى جايلى ۇزدىك ماتەريال».

نوميناسيالار بويىنشا جەڭىمپازداردى بەلگىلى جۋرناليستەردەن، مەديا-ساراپشىلاردان جانە ەلورداداعى وسى سالانىڭ قۇرمەتتى وكىلدەرىنەن قۇرالعان كونكۋرستىق كوميسسيا ايقىندايتىن بولادى.

ەڭ ۇزدىك جۇمىس اقشالاي سەرتيفيكاتتارمەن ىنتالاندىرىلادى. ءبىرىنشى ورىن – 1 ميلليون تەڭگە، ەكىنشى ورىن – 500 مىڭ تەڭگە، ءۇشىنشى ورىن – 300 مىڭ تەڭگە.

وتىنىمدەر 2024 جىلدىڭ 23 ماۋسىمىنا دەيىن قابىلدانادى.

كونكۋرسقا قاتىسۋ ءۇشىن sluzhbakommunikatsiy@mail.ru پوشتاعا كەلەسى دەرەكتەر جىبەرۋ كەرەك:

1. ت.ا.ءا.
2. جۇمىس ورنى؛
3. ماقالاعا سىلتەمە نەمەسە فوتو / ۆيدەو ماتەريال؛
4. نوميناسيالاردىڭ قايسىسىنا ۇمىتكەرسىز؛
5. بايلانىس دەرەكتەرى.

ۇيىمداستىرۋ كوميتەتىنىڭ بايلانىس تەلەفونى: +7 (778) 812 25 60.