Májilis depýtaty Nurtai Sabilianov Qazaqstandaǵy bank saiasatynda memleket ústemdik júrigizýi qajet degen pikirde, - dep habarlaidy Dalanews.kz.
Ekonomikalyq reforma jáne óńirlik damý komitetiniń tóraǵasy barlyq aqparat ashyq bolýy kerek ekenin aitty.
"Bankterden basqa bizde damý institýttary bar. Báiterek bar, Qazaqstannyń damý banki bar. Olarda da qarjy bar. Biraq sol qarjynyń ashyqtyǵyn Úkimet qamtamasyz ete almai otyr. Mysaly, Qazaqstan damý bankinde júzden asa joba qarjylandyrylsa, ol zaýyt salyp jatyr ma, fabrika ashyp jatyr ma, qandai óndiris jasap jatyr, tiimdiligi qandai, qansha jumys orny ashyldy, qansha ónim óndirdi - oǵan eshkim taldaý jasap jatqan joq. Másele sonda. Eger ár bólingen qarjyǵa taldaý jasap, ekonomikaǵa tiimdiligin anyqtaityn bolsa, sonda belgili bolady", - dedi depýtat Massaget TV-ǵa suhbatynda.
Nurtai Sabilianov bankterdiń artynda oligarhtar turǵanyn, sondyqtan kóp paida taýyp otyrǵandarǵa qatań talap qoiylýy qajet ekenin jetkizdi.
"Bankterdi aityp otyrmyz. Banktiń artynda da iri oligarhtar otyr ǵoi. Olar da óziniń múddesin eshkimge bergisi kelmeidi. Sondyqtan memleket bank saiasatynda óziniń talabyn qoia bilýi kerek. Bizge 20 banktiń qajeti joq. Qazaqstanǵa ary ketse 5-6 bank jetedi. Biraq bizde bankterdiń monopoliiasy bar, básekelestik joq. Shet elde bankter básekelesedi. Bizde 5-6 bank monopoliia quryp alǵan, olar eshqashan da óziniń paiyzyn túsirmeidi. Bank saiasatynda Ulttyq bank ústemdigin júrgizýge tiis.
...Jalpy bank júiesindegi másele óte ózekti. Quryltaishylary - jeke azamattar, kompaniialar. ...Az shyǵyn shyǵaryp, kóp paida taýyp otyrǵan bankterge qatań talap qoiýymyz kerek", - dedi depýtat Massaget TV-ǵa suhbatynda.
Ashyq derekkóz aqparatyna súiensek, 2024 jylǵy qarashadaǵy málimet boiynsha Qazaqstanda 21 ekinshi deńgeili bank jumys isteidi. Olar myna erekshelikteri boiynsha bólinedi:
- Jeke kommertsiialyq bankter
- Sheteldik kapitaly bar bankter
- Memlekettiń qatysy bar bankter
