مەجٸلٸس دەپۋتاتى نۇرتاي سابيليانوۆ قازاقستانداعى بانك ساياساتىندا مەملەكەت ٷستەمدٸك جٷرٸگٸزۋٸ قاجەت دەگەن پٸكٸردە, - دەپ حابارلايدى Dalanews.kz.
ەكونوميكالىق رەفورما جەنە ٶڭٸرلٸك دامۋ كوميتەتٸنٸڭ تٶراعاسى بارلىق اقپارات اشىق بولۋى كەرەك ەكەنٸن ايتتى.
"بانكتەردەن باسقا بٸزدە دامۋ ينستيتۋتتارى بار. بەيتەرەك بار, قازاقستاننىڭ دامۋ بانكٸ بار. ولاردا دا قارجى بار. بٸراق سول قارجىنىڭ اشىقتىعىن ٷكٸمەت قامتاماسىز ەتە الماي وتىر. مىسالى, قازاقستان دامۋ بانكٸندە جٷزدەن اسا جوبا قارجىلاندىرىلسا, ول زاۋىت سالىپ جاتىر ما, فابريكا اشىپ جاتىر ما, قانداي ٶندٸرٸس جاساپ جاتىر, تيٸمدٸلٸگٸ قانداي, قانشا جۇمىس ورنى اشىلدى, قانشا ٶنٸم ٶندٸردٸ - وعان ەشكٸم تالداۋ جاساپ جاتقان جوق. مەسەلە سوندا. ەگەر ەر بٶلٸنگەن قارجىعا تالداۋ جاساپ, ەكونوميكاعا تيٸمدٸلٸگٸن انىقتايتىن بولسا, سوندا بەلگٸلٸ بولادى", - دەدٸ دەپۋتات Massaget TV-عا سۇحباتىندا.
نۇرتاي سابيليانوۆ بانكتەردٸڭ ارتىندا وليگارحتار تۇرعانىن, سوندىقتان كٶپ پايدا تاۋىپ وتىرعاندارعا قاتاڭ تالاپ قويىلۋى قاجەت ەكەنٸن جەتكٸزدٸ.
"بانكتەردٸ ايتىپ وتىرمىز. بانكتٸڭ ارتىندا دا ٸرٸ وليگارحتار وتىر عوي. ولار دا ٶزٸنٸڭ مٷددەسٸن ەشكٸمگە بەرگٸسٸ كەلمەيدٸ. سوندىقتان مەملەكەت بانك ساياساتىندا ٶزٸنٸڭ تالابىن قويا بٸلۋٸ كەرەك. بٸزگە 20 بانكتٸڭ قاجەتٸ جوق. قازاقستانعا ارى كەتسە 5-6 بانك جەتەدٸ. بٸراق بٸزدە بانكتەردٸڭ مونوپوليياسى بار, بەسەكەلەستٸك جوق. شەت ەلدە بانكتەر بەسەكەلەسەدٸ. بٸزدە 5-6 بانك مونوپولييا قۇرىپ العان, ولار ەشقاشان دا ٶزٸنٸڭ پايىزىن تٷسٸرمەيدٸ. بانك ساياساتىندا ۇلتتىق بانك ٷستەمدٸگٸن جٷرگٸزۋگە تيٸس.
...جالپى بانك جٷيەسٸندەگٸ مەسەلە ٶتە ٶزەكتٸ. قۇرىلتايشىلارى - جەكە ازاماتتار, كومپانييالار. ...از شىعىن شىعارىپ, كٶپ پايدا تاۋىپ وتىرعان بانكتەرگە قاتاڭ تالاپ قويۋىمىز كەرەك", - دەدٸ دەپۋتات Massaget TV-عا سۇحباتىندا.
اشىق دەرەككٶز اقپاراتىنا سٷيەنسەك, 2024 جىلعى قاراشاداعى مەلٸمەت بويىنشا قازاقستاندا 21 ەكٸنشٸ دەڭگەيلٸ بانك جۇمىس ٸستەيدٸ. ولار مىنا ەرەكشەلٸكتەرٸ بويىنشا بٶلٸنەدٸ:
- جەكە كوممەرتسييالىق بانكتەر
- شەتەلدٸك كاپيتالى بار بانكتەر
- مەملەكەتتٸڭ قاتىسى بار بانكتەر
