Banktegilerdiń málimetinshe, baǵdarlamaǵa menshikti kapitaly 60 milliard teńgeden asatyn bankter qatysady.
«BJZQ-nyń zeinetaqy aktivterin bankterdiń obligatsiialaryna investitsiialaý baǵaly qaǵaz shyǵarylymynyń 50 paiyzynan aspaityn mólsherde Qazaqstan qor birjasynyń saýda alańynda júzege asyrylatyn bolady.
Obligatsiialardy qosymsha ornalastyrý sheńberinde, iaǵni basqa investorlardyń mindetti qatysýymen ǵana satyp alýǵa bolady. Usynylǵan tetik naryqqa qatysýshylardyń obligatsiialar boiynsha kiristiliktiń naryqtyq mólsherlemelerin aiqyndaýyna jáne emitentterge shoǵyrlaný táýekelin tómendetýge múmkindik beredi», — dedi bank ókilderi.
Osy baǵdarlamany oryndaý barysynda Qazaqstan Ulttyq Banki ekinshi deńgeidegi bankterge obligatsiialyq baǵdarlamaǵa qatysýǵa usynys jiberdi, oǵan bankterdiń kópshiligi qyzyǵýshylyq tanytty.
Búgingi kúni joǵaryda kórsetilgen obligatsiialyq baǵdarlama sheńberinde «Bank TsentrKredit» AQ alǵashqy bolyp zeinetaqy aktivteriniń esebinen Qazaqstan qor birjasynda 3,6 jyl óteý merzimimen jáne jyldyq 12 paiyzdyq kiristilikpen obligatsiialardy ornalastyrdy.
