Ózderińizge belgili, 2024 jyly 7 naýryzda Ulttyq bank jyldyq bazalyq mólsherlemeni 15,25-ten 16,5 paiyzǵa deiin kóterdi. Bank of America sarapshylary óz taldaýynda bul ósimdi "bir ret jáne jetkilikti"strategiia dep qarastyratyndaryn kórsetken. Bul neni bildiredi? Buǵan qatysty ekonomist Eldar Shamsýtdinov pikir bildirdi, dep habarlaidy Dalanews.kz.
Ortalyq bank málimdemesine sáikes, qatań saiasat qabyldaýǵa infliatsiianyń jedeldeýi túrtki, sondai-aq ol bolashaqta odan da qatań sharalar qabyldamas úshin jasalǵan.
Taldaý tobynyń jetekshisi Eldar Shamsýtdinov Bank of America sarapshylary bul ósimdi "bir ret jáne jetkilikti" strategiiasy aiasynda qarastyrap otyrǵanyn atap ótti.
"Olardyń bazalyq stsenariii boiynsha retteýshi organ infliatsiia ósiminiń tolyqtai áserin jáne jekelei kórsetkishterdiń aiqyndalýyn kútý úshin 2025 jyldyń III toqsanyna deiin bazalyq mólsherlemeni ózgerissiz saqtaityny aitylady. Jańa infliatsiialyq tolqý bolmasa, bazalyq mólsherleme 2025 jyldyń ekinshi jartyjyldyǵynda aldyńǵy 15,25% deńgeiine oralyp, tómendeýi de múmkin", - deidi Eldar Shamsýtdinov.
Sarapshynyń aitýynsha, ekonomikaǵa qosymsha serpin beretin faktor salyq reformasy bolady, onyń ólshemderi qazir qoǵammen talqylanýda.
Aldyn ala derekter boiynsha, Qazaqstan jekelegen sektorlar úshin 16% quraityn qosymsha qun salyǵynyń saralanǵan mólsherlemesine kóshedi. Salyq mólsherlemesiniń ósimi biýdjetke qosymsha 2,2 trillion teńge ákeledi dep kútiledi. Alaida bilik biznesti qoldaý sharalaryn da ázirlep jatqanyn basa aita ketelik.
Buǵan deiin Ulttyq Bank infliatsiia boiynsha 2025-2027 jyldarǵa arnalǵan boljamyn jariialaǵan. Jýyrda bazalyq mólsherleme jaily qarjyger-maman Ǵalym Qusaiynov jelide jazba jariialady. "Kóbisi meni joǵary infliatsiia jaǵdaiynda bazalyq mólsherlemeni tómendetý kerek degen pikirde dep oilap alypty. Bul múldem olai emes. Meniń bar oiym Qazaqstanda bazalyq mólsherlemeniń áseri shekteýli, sondyqtan infliatsiiamen kúresý úshin keshendi sheshimder qabyldaý qajet degenge baǵyttalǵan", dep bastalady onyń jazbasy.
