Iá, dál solai, balaqtaǵy bit basqa shyqty. Basqa shyǵarǵan ózimiz. Qazaqtyń toi-tomalaǵynyń gonoraryna qunyqqan qaidaǵy bir Afrika men Kýbanyń ánshisymaqtary (tipti ánshi deýge aýzymyz barmaidy) qazaqsha án aityp, ánshilerimizdiń tabysyna ortaqtasyp jatyr.
Basqany bylai qoiyp «Habar» men «Qazaqstan» arnalary solardyń nasihatshysyna ainalǵannan keiin ne shara? Keshe «Benefis shoý» baǵdarlamasynda Saiat Medeýovtyń ánin aitqan afrikandyq jelókpelerdi Qydyráli men Qaraqat jer kókke siǵyzbai maqtady. Onyń aldynda bir telearna didjei Ýmberto bastaǵan kýbalyq jigitteri úshin oilanbastan «altyn ýaqyttaryn» qurbandyqqa shalyp jiberdi. Budan keiin qalǵan telearnalar qarap qalsyn ba? Olarda tutas bir jobalar daiyndap jatqan shyǵar?... Ne bolyp baramyz? Osy toi qazaqtyń túbine jetpese bolǵany. Ánshilerimiz ánsheiinde bir-birimen «meniń ánimdi aityp qoidyń» dep jaǵa jyrtysqanda tym «zakonshyl» bolyp kórinýshi edi. Endi qara záńgiler ánin aityp, yrysyna qol suqqanda nege únsiz? Basqa-basqa Saiattyń buǵan moiynusynýy tipti uiat boldy. Ol sol shoýda záńgilermen án aitýdan bas tartqanda qandai kermet bolar edi. Álgi afrikandyq «qyzý qandy» jigitterdi qazaqtyń óneri qyzyqtyrmaǵany anyq. Bári qazaqtyń berekeli toiynan tabys taýyp qalýǵa qumar. Abai aitpaqshy «ustarasyz aýzyńa tústi murtyń» degen kezeń osy shyǵar?
Nurlan JUMAHAN
