يە, دەل سولاي, بالاقتاعى بيت باسقا شىقتى. باسقا شىعارعان ٶزٸمٸز. قازاقتىڭ توي-تومالاعىنىڭ گونورارىنا قۇنىققان قايداعى بٸر افريكا مەن كۋبانىڭ ەنشٸسىماقتارى (تٸپتٸ ەنشٸ دەۋگە اۋزىمىز بارمايدى) قازاقشا ەن ايتىپ, ەنشٸلەرٸمٸزدٸڭ تابىسىنا ورتاقتاسىپ جاتىر.
باسقانى بىلاي قويىپ «حابار» مەن «قازاقستان» ارنالارى سولاردىڭ ناسيحاتشىسىنا اينالعاننان كەيٸن نە شارا? كەشە «بەنەفيس شوۋ» باعدارلاماسىندا سايات مەدەۋوۆتىڭ ەنٸن ايتقان افريكاندىق جەلٶكپەلەردٸ قىدىرەلٸ مەن قاراقات جەر كٶككە سيعىزباي ماقتادى. ونىڭ الدىندا بٸر تەلەارنا ديدجەي ۋمبەرتو باستاعان كۋبالىق جٸگٸتتەرٸ ٷشٸن ويلانباستان «التىن ۋاقىتتارىن» قۇرباندىققا شالىپ جٸبەردٸ. بۇدان كەيٸن قالعان تەلەارنالار قاراپ قالسىن با? ولاردا تۇتاس بٸر جوبالار دايىنداپ جاتقان شىعار?... نە بولىپ بارامىز? وسى توي قازاقتىڭ تٷبٸنە جەتپەسە بولعانى. ەنشٸلەرٸمٸز ەنشەيٸندە بٸر-بٸرٸمەن «مەنٸڭ ەنٸمدٸ ايتىپ قويدىڭ» دەپ جاعا جىرتىسقاندا تىم «زاكونشىل» بولىپ كٶرٸنۋشٸ ەدٸ. ەندٸ قارا زەڭگٸلەر ەنٸن ايتىپ, ىرىسىنا قول سۇققاندا نەگە ٷنسٸز? باسقا-باسقا ساياتتىڭ بۇعان مويىنۇسىنۋى تٸپتٸ ۇيات بولدى. ول سول شوۋدا زەڭگٸلەرمەن ەن ايتۋدان باس تارتقاندا قانداي كەرمەت بولار ەدٸ. ەلگٸ افريكاندىق «قىزۋ قاندى» جٸگٸتتەردٸ قازاقتىڭ ٶنەرٸ قىزىقتىرماعانى انىق. بەرٸ قازاقتىڭ بەرەكەلٸ تويىنان تابىس تاۋىپ قالۋعا قۇمار. اباي ايتپاقشى «ۇستاراسىز اۋزىڭا تٷستٸ مۇرتىڭ» دەگەن كەزەڭ وسى شىعار?
نۇرلان جۇماحان
