Aqtaýda 13 jastaǵy ulynan aiyrylǵan Juldyz Azanova Densaýlyq saqtaý ministrliginen jaýap talap etip, Astanaǵa arnaiy bardy. Anasy ministr Aqmaral Álnazarovamen jeke kezdesip, balasynyń ólimine qatysty óz saýaldaryna naqty jaýap alǵysy keledi, dep habarlaidy dalanews.kz.
Juldyz Azanova 6 tamyz kúni tańerteń Astanaǵa ushyp kelgen. Alaida ministrmen kezdesýdiń naqty kúni áli belgisiz.
«Bul kezdesý múldem bolmai qala ma dep qorqamyn. Sondyqtan jaǵdaiǵa qoǵamnyń nazaryn aýdarý úshin video túsirýge sheshim qabyldadym. Maǵan kelesi sársenbi kúni naqty jaýap berýge ýáde etti», – deidi Juldyz Azanova.
Buǵan deiin anaǵa Densaýlyq saqtaý vitse-ministrimen kezdesý usynylǵan. Biraq ol bul usynystan bas tartyp, ministrdiń ózimen sóilesýdi talap etken.
Qazir Juldyz Azanova Býrabaida bolyp, ministrlikten naqty jaýap kútýde.
Vitse-ministrdiń Mańǵystaýǵa saparyna qatysty suraq
Juldyz Azanova Densaýlyq saqtaý vitse-ministri Manas Ramazanovtyń Mańǵystaý oblysyna jasaǵan jumys saparyna da qatysty pikir bildirdi.
Onyń aitýynsha, vitse-ministr jumys sapary kezinde ózi suraq qoiyp otyrǵan birneshe meditsinalyq mekemege barmaǵan.
Anasynyń bul máselege qatysty da ministrlikke qoiatyn suraqtary bar.
Bári qańtarda bastalǵan
Juldyz Azanovanyń otbasynyń oqiǵasy biyl sáýir aiynda qoǵamǵa belgili boldy.
Áieldiń aitýynsha, 13 jastaǵy ulynyń densaýlyǵy qańtar aiynda kúrt nasharlaǵan. Balanyń ishi qatty aýyryp, ony appenditsit degen kúdikpen oblystyq balalar aýrýhanasyna jetkizgen.
Alaida birneshe saǵat baqylaýda bolǵannan keiin appenditsit diagnozy rastalmai, jasóspirim úiine jiberilgen. Biraq ishiniń aýrýy toqtamaǵan. Keiin dene qyzýy da kóterilgen.
Kelesi birneshe aida anasy balasyn birneshe ret dárigerlerge kórsetken. Alaida naqty diagnoz qoiylmaǵan.
Aqyry bala aýrýhanaǵa jatqyzylyp, operatsiia jasalǵan kezde appendikstiń jarylyp ketkeni anyqtalǵan. Sonyń saldarynan infektsiia ish qýysyna tarap ketken.
19 aqpanda jasóspirim sanitarlyq aviatsiiamen Almatyǵa jetkizildi. Ǵylymi pediatriia jáne balalar hirýrgiiasy ortalyǵynyń dárigerleri onyń ómirin saqtap qalý úshin eki aiǵa jýyq kúresti.
Ókinishke qarai, 13 sáýirde jasóspirim qaitys boldy.
Endi onyń anasy balasynyń ólimine qatysty birqatar suraqqa jaýap alǵysy keledi. Sol úshin ol Densaýlyq saqtaý ministriniń jeke qabyldaýyna kirýge tabandy túrde áreket jasap jatyr.
