اقتاۋدا 13 جاستاعى ۇلىنان ايىرىلعان جۇلدىز ازانوۆا دەنساۋلىق ساقتاۋ مينيسترلٸگٸنەن جاۋاپ تالاپ ەتٸپ, استاناعا ارنايى باردى. اناسى مينيستر اقمارال ەلنازاروۆامەن جەكە كەزدەسٸپ, بالاسىنىڭ ٶلٸمٸنە قاتىستى ٶز ساۋالدارىنا ناقتى جاۋاپ العىسى كەلەدٸ, دەپ حابارلايدى dalanews.kz.
جۇلدىز ازانوۆا 6 تامىز كٷنٸ تاڭەرتەڭ استاناعا ۇشىپ كەلگەن. الايدا مينيسترمەن كەزدەسۋدٸڭ ناقتى كٷنٸ ەلٸ بەلگٸسٸز.
«بۇل كەزدەسۋ مٷلدەم بولماي قالا ما دەپ قورقامىن. سوندىقتان جاعدايعا قوعامنىڭ نازارىن اۋدارۋ ٷشٸن ۆيدەو تٷسٸرۋگە شەشٸم قابىلدادىم. ماعان كەلەسٸ سەرسەنبٸ كٷنٸ ناقتى جاۋاپ بەرۋگە ۋەدە ەتتٸ», – دەيدٸ جۇلدىز ازانوۆا.
بۇعان دەيٸن اناعا دەنساۋلىق ساقتاۋ ۆيتسە-مينيسترٸمەن كەزدەسۋ ۇسىنىلعان. بٸراق ول بۇل ۇسىنىستان باس تارتىپ, مينيستردٸڭ ٶزٸمەن سٶيلەسۋدٸ تالاپ ەتكەن.
قازٸر جۇلدىز ازانوۆا بۋرابايدا بولىپ, مينيسترلٸكتەن ناقتى جاۋاپ كٷتۋدە.
ۆيتسە-مينيستردٸڭ ماڭعىستاۋعا ساپارىنا قاتىستى سۇراق
جۇلدىز ازانوۆا دەنساۋلىق ساقتاۋ ۆيتسە-مينيسترٸ ماناس رامازانوۆتىڭ ماڭعىستاۋ وبلىسىنا جاساعان جۇمىس ساپارىنا دا قاتىستى پٸكٸر بٸلدٸردٸ.
ونىڭ ايتۋىنشا, ۆيتسە-مينيستر جۇمىس ساپارى كەزٸندە ٶزٸ سۇراق قويىپ وتىرعان بٸرنەشە مەديتسينالىق مەكەمەگە بارماعان.
اناسىنىڭ بۇل مەسەلەگە قاتىستى دا مينيسترلٸككە قوياتىن سۇراقتارى بار.
بەرٸ قاڭتاردا باستالعان
جۇلدىز ازانوۆانىڭ وتباسىنىڭ وقيعاسى بيىل سەۋٸر ايىندا قوعامعا بەلگٸلٸ بولدى.
ەيەلدٸڭ ايتۋىنشا, 13 جاستاعى ۇلىنىڭ دەنساۋلىعى قاڭتار ايىندا كٷرت ناشارلاعان. بالانىڭ ٸشٸ قاتتى اۋىرىپ, ونى اپپەنديتسيت دەگەن كٷدٸكپەن وبلىستىق بالالار اۋرۋحاناسىنا جەتكٸزگەن.
الايدا بٸرنەشە ساعات باقىلاۋدا بولعاننان كەيٸن اپپەنديتسيت دياگنوزى راستالماي, جاسٶسپٸرٸم ٷيٸنە جٸبەرٸلگەن. بٸراق ٸشٸنٸڭ اۋرۋى توقتاماعان. كەيٸن دەنە قىزۋى دا كٶتەرٸلگەن.
كەلەسٸ بٸرنەشە ايدا اناسى بالاسىن بٸرنەشە رەت دەرٸگەرلەرگە كٶرسەتكەن. الايدا ناقتى دياگنوز قويىلماعان.
اقىرى بالا اۋرۋحاناعا جاتقىزىلىپ, وپەراتسييا جاسالعان كەزدە اپپەنديكستٸڭ جارىلىپ كەتكەنٸ انىقتالعان. سونىڭ سالدارىنان ينفەكتسييا ٸش قۋىسىنا تاراپ كەتكەن.
19 اقپاندا جاسٶسپٸرٸم سانيتارلىق اۆياتسييامەن الماتىعا جەتكٸزٸلدٸ. عىلىمي پەدياترييا جەنە بالالار حيرۋرگيياسى ورتالىعىنىڭ دەرٸگەرلەرٸ ونىڭ ٶمٸرٸن ساقتاپ قالۋ ٷشٸن ەكٸ ايعا جۋىق كٷرەستٸ.
ٶكٸنٸشكە قاراي, 13 سەۋٸردە جاسٶسپٸرٸم قايتىس بولدى.
ەندٸ ونىڭ اناسى بالاسىنىڭ ٶلٸمٸنە قاتىستى بٸرقاتار سۇراققا جاۋاپ العىسى كەلەدٸ. سول ٷشٸن ول دەنساۋلىق ساقتاۋ مينيسترٸنٸڭ جەكە قابىلداۋىنا كٸرۋگە تاباندى تٷردە ەرەكەت جاساپ جاتىر.
