Balamasy joq akkýmýliator
Elimizde álemde balamasy joq qalta telefony sekildi shaǵyn pishindegi akkýmýliator jasalynýda. Qondyrǵy 1 kilovatt energiia beredi. Budan bólek, 360 gradýsta jaryq beredi. Jaramdylyǵy – 15 jyl.
Astanada 2017 jyly ótetin EXPO kórmesine usynylatyn osyndai 25 túrli tyń joba tanystyryldy. Jańashyldyqtarǵa toly ǵylymi izdenisterdi «Astana EXPO-2017» ulttyq kompaniiasynyń basqarma tóraǵasy Ahmetjan Esimov pen Energetika ministri Vladimir Shkolnik aralap kórdi. Eger ǵalymdardyń balamaly qýat kózderin damytýǵa baǵyttalǵan eńbekteri tiimdiligin dáleldese, halyqaralyq kórmege qoiylady. Al jobalardyń iske asýyna biznesmender atsalysyp, memleket tarapynan da qarjylandyrylýda.
«Ár jobanyń baǵasy ártúrli. 2 jyl buryn baǵdarlama bastaldy. Biraq onyń aldynda irgeli zertteýler jasalǵan. Mysaly, mynaý batareialardy biz EXPO-ǵa daiyndap jatyrmyz. Biraq ol búgin jasalǵan joq. Onyń irgeli ǵylymi zertteý jumystary 5-6 jyl buryn jasalǵan. Sondyqtan qansha qarjy jumsaldy? Qandai baǵada turady dep aitý óte qiyn», – deidi tehnika ǵylymdarynyń doktory, professor Ábdikárim Zeinýllin.
