Jiynda keibir áýe kompaniialarynyń qaýipsizdik talaptaryn eskermei, jolaýshy qaýymnyń quqyǵyn aiaqqa taptaǵany málim boldy dep jazady Dalanews.kz.
Atap aitqanda, tasymaldaýshylar halyqaralyq saparda 2 jastan 12 jasqa deiin, al ishki reisterde 2 jastan 15 jasqa deiingi kámeletke tolmaǵan jolaýshylarǵa 50 paiyzdyq jeńildik qoldaný shartyn saqtamaǵan.
«Aitalyq, iri áýekompaniialarynyń biri biletti resmi saity arqyly saýdalaǵan kezde jolaýshylarǵa 11 jasqa deiingi balalar tarifin qoldanady, zań boiynsha ol 15 jasqa deiin bolý mindetti. Biletti satyp alýǵa arnalǵan onlain platformalardy paidalanǵanda «jeńildik» múlde qoldanylmaidy. Osynyń aldynda prokýratýranyń talabyn tyńdamaǵan FlyArystan men Qazaq Air áýe kompaniialary halyqaralyq reisterde «balalarǵa jeńildik» bermegeni úshin ákimshilik jaýapkershilikke tartylǵan», - dep habarlady mekeme.
Sharada Azamattyq aviatsiia komitetine kámeletke tolmaǵan jolaýshylar úshin jeńildikterdi qoldaný tártibin turaqty baqylaýǵa múmkindik beretin algoritm ázirleý tapsyryldy.
Óz kezeginde Tutynýshylar quqyǵyn qorǵaityn komitetke memorgandarmen birlesip, reisti keshiktirgen tasymaldaýshylardan aiyppul óndirý (bir saǵatqa keshikkeni úshin bilet baǵasynyń 3 paiyzy) protsesin jetildirý jáne balalar bileti úshin artyq tólengen aqshany qaitarý máselesi júkteldi.
Al FlyArystan-ǵa jolaýshylardyń narazylyǵy kúsheiip barady. Buǵan deiin redaktsiiamyzǵa habarlasqan Aliia Tasmaǵambetova esimdi oqyrman áýe kompaniiasynyń baǵa saiasaty ádiletsiz ekenin aitqan edi.
"Fly-dy loýkoster dep aitýǵa aýyz barmaidy. Halyqaralyq reisterde bul kompaniiaǵa kúnińiz túspesin. Qara sýǵa deiin saýdalaidy. Sheteldiń osy sanattaǵy kompaniialary tańdaiyńdy jibitetin sý men azyn-aýlaq tiskebasardy mindetti túrde beredi.
Tamyz aiynda elge oralmaq bolyp, Ystambul - Astana baǵytyna bilet izdedik. Fly-dyń biletteri qyzym ekeýmizge 209 myń teńgege ainaldy. Ushardan bir apta buryn qosymsha bagaj qajet bolyp (30 keli), buǵan qosymsha 62 myń teńge tóledik. Jiyntyǵy 271 myń teńgege shyqty. Muny arzan dep oilaǵan biz, qatty qatelesippiz.
Sóitsek Air Astana-nyń baǵasy budan áldeqaida arzan bolyp shyqty. Ystambul - Astana baǵytyna bir adamǵa 104 myń teńgege satylyp jatqanyn kesh bildik. Munyń ishine joldaǵy as-sýyńyz ben ár adamǵa 23 kelige deiingi aýyr júgińizdiń baǵasy qosa kiredi. 11 jasar qyzym ekeýimizge Air Astana-nyń bileti 208 myńǵa ainalar edi.
Budan keiin Fly-dy loýkoster qalai aitamyz? Kompaniianyń baǵa saiasatyn baqylaityn qurylym joq pa?", - deidi jolaýshy.
