Osydan 114 jyl buryn (1912) asa kórnekti memleket jáne qoǵam qairatkeri, úsh márte Sotsialistik Eńbek Eri, Qazaq KSR Ǵylym akademiiasynyń akademigi, tehnika ǵylymdarynyń doktory Qonaev Dinmuhamed Ahmetuly (1912-1993) dúniege keldi.
Ol Vernyi (qazirgi Almaty) qalasynda qarapaiym otbasynda ómirge kelgen. 1930 jyly Almatydaǵy №14 orta mektepti bitirgen. 1931-1936 jyldary Qazaqstan Ólkelik komsomol komiteti Dinmuhamed Qonaevty Máskeýdiń Tústi metall institýtyna oqýǵa jiberedi. Keiin iri ónerkásip oryndarynda qyzmet etip, joǵary laýazymǵa deiin kóterilgen.
1960-1986 jyldary Qazaqstan Kompartiiasy Ortalyq Komitetiniń Birinshi hatshysy qyzmetin atqardy. Dinmuhamed Ahmetuly Qonaev 1993 jyly 22 tamyzda 82 jasqa qaraǵan shaǵynda qaitys boldy.
Kórnekti tulǵanyń týǵan kúnine orai qyzyq derekter usynamyz:
- Boiy 198 santimetr bolǵan. 46-ólshemdegi aiaq kiim kigen.
- Qarý-jaraq jinaǵan, ańshylyqty unatqan. Jaqsy kórgen myltyqtary L.I. Brejnev syilaǵan myltyq jáne atalarynan mirasqa qalǵan myltyq bolǵan. Osy eki myltyqpen ańshylyqqa jii shyqqan.
- Ol - eń biik saiasi laýazymǵa ie bolǵan alǵashqy qazaq.
- Ǵylym akademiiasyna basshylyq etken jyldary 30 rýbl jalaqysyn №1 balalar úiine qaiyrymdylyqqa bergen.
- Ispaniianyń ańshylar uiymyna múshelik etken.
- Ańshylyqta aýlaǵan ań etin balalar úiine berip turǵan.
- Ańnyń múiizine qarap, urǵashy nemese erkek ekenin anyqtaǵan.
- Jaýapty qyzmetkerleriniń esimin jatqa bilgen.
- Japoniiaǵa jii saparmen barǵan, shamamen 84 ret barǵan. Qazaqstanda Baqanas demalys ornyn erekshe jaqsy kórgen.
- Jubaiymen 50 jyl, 6 ai, 2 kún otasqan. Bul kúnderdi ózi sanap júrgen.
