وسىدان 114 جىل بۇرىن (1912) اسا كورنەكتى مەملەكەت جانە قوعام قايراتكەرى، ءۇش مارتە سوسياليستىك ەڭبەك ەرى، قازاق كسر عىلىم اكادەمياسىنىڭ اكادەميگى، تەحنيكا عىلىمدارىنىڭ دوكتورى قونايەۆ دىنمۇحامەد احمەت ۇلى (1912-1993) دۇنيەگە كەلدى.
ول ۆەرنىي (قازىرگى الماتى) قالاسىندا قاراپايىم وتباسىندا ومىرگە كەلگەن. 1930 جىلى الماتىداعى №14 ورتا مەكتەپتى بىتىرگەن. 1931-1936 جىلدارى قازاقستان ولكەلىك كومسومول كوميتەتى دىنمۇحامەد قونايەۆتى ماسكەۋدىڭ ءتۇستى مەتالل ينستيتۋتىنا وقۋعا جىبەرەدى. كەيىن ءىرى ونەركاسىپ ورىندارىندا قىزمەت ەتىپ، جوعارى لاۋازىمعا دەيىن كوتەرىلگەن.
1960-1986 جىلدارى قازاقستان كومپارتياسى ورتالىق كوميتەتىنىڭ ءبىرىنشى حاتشىسى قىزمەتىن اتقاردى. دىنمۇحامەد احمەت ۇلى قونايەۆ 1993 جىلى 22 تامىزدا 82 جاسقا قاراعان شاعىندا قايتىس بولدى.
كورنەكتى تۇلعانىڭ تۋعان كۇنىنە وراي قىزىق دەرەكتەر ۇسىنامىز:
- بويى 198 سانتيمەتر بولعان. 46-ولشەمدەگى اياق كيىم كيگەن.
- قارۋ-جاراق جيناعان، اڭشىلىقتى ۇناتقان. جاقسى كورگەن مىلتىقتارى ل.ي. برەجنيەۆ سىيلاعان مىلتىق جانە اتالارىنان ميراسقا قالعان مىلتىق بولعان. وسى ەكى مىلتىقپەن اڭشىلىققا ءجيى شىققان.
- ول - ەڭ بيىك ساياسي لاۋازىمعا يە بولعان العاشقى قازاق.
- عىلىم اكادەمياسىنا باسشىلىق ەتكەن جىلدارى 30 رۋبل جالاقىسىن №1 بالالار ۇيىنە قايىرىمدىلىققا بەرگەن.
- يسپانيانىڭ اڭشىلار ۇيىمىنا مۇشەلىك ەتكەن.
- اڭشىلىقتا اۋلاعان اڭ ەتىن بالالار ۇيىنە بەرىپ تۇرعان.
- اڭنىڭ مۇيىزىنە قاراپ، ۇرعاشى نەمەسە ەركەك ەكەنىن انىقتاعان.
- جاۋاپتى قىزمەتكەرلەرىنىڭ ەسىمىن جاتقا بىلگەن.
- جاپونياعا ءجيى ساپارمەن بارعان، شامامەن 84 رەت بارعان. قازاقستاندا باقاناس دەمالىس ورنىن ەرەكشە جاقسى كورگەن.
- جۇبايىمەن 50 جىل، 6 اي، 2 كۇن وتاسقان. بۇل كۇندەردى ءوزى ساناپ جۇرگەن.
