مالاييا ۋنيۆەرسيتەتٸنٸڭ عالىمدارى شوكولاد يٸسٸنٸڭ جاتتىعۋ كەزٸندەگٸ فيزيكالىق ٶنٸمدٸلٸككە ەسەرٸن زەرتتەدٸ. نەتيجەسٸندە كاكاو حوش يٸسٸن سەزٸنۋ كەي جاعدايدا جٷكتەمەنٸ كٶبٸرەك ورىنداۋعا كٶمەكتەسۋٸ مٷمكٸن ەكەنٸ انىقتالعان, دەپ حابارلايدى dalanews.kz.
Frontiers in Physiology جۋرنالىندا جارييالانعان زەرتتەۋگە 20-25 جاس ارالىعىنداعى, دەنە دايىندىعى ورتاشا 23 ەر ادام قاتىسقان.
تەجٸريبە الدىندا قاتىسۋشىلار كەمٸندە 10 ساعات بويى تاماق ٸشپەگەن. كەيٸن ولار ٷش توپقا بٶلٸنٸپ, 90 پايىز كاكاوسى بار قارا شوكولادتىڭ, 60 پايىز كاكاوسى بار سٷتتٸ شوكولادتىڭ نەمەسە باقىلاۋ رەتٸندە سۋدىڭ يٸسٸن سەزگەن.
اياقتى جازۋعا ارنالعان جاتتىعۋ كەزٸندە قارا شوكولاد يٸسٸن سەزگەن قاتىسۋشىلار باقىلاۋ توبىمەن سالىستىرعاندا ورتا ەسەپپەن 18 قايتالاۋدى كٶبٸرەك ورىنداعان. ال سٷتتٸ شوكولاد يٸسٸ كٶرسەتكٸشتٸ شامامەن 9 قايتالاۋعا ارتتىرعان. زەرتتەۋشٸلەردٸڭ ايتۋىنشا, قىزىعى – قاتىسۋشىلار جٷكتەمەنٸڭ بۇرىنعىدان اۋىر بولعانىن سەزبەگەن.
شوكولاد يٸسٸ تەبەتكە دە ەرتٷرلٸ ەسەر ەتكەن. قارا شوكولادتىڭ يٸسٸ اشتىق سەزٸمٸن بەسەڭدەتٸپ, توقتىق سەزٸمٸن كٷشەيتسە, سٷتتٸ شوكولادتىڭ حوش يٸسٸ قاتىسۋشىلارعا جاعىمدىراق ەسەر بەرگەن. عالىمدار مۇنى ميدىڭ تانىس تاعام يٸستەرٸن توقتىق جەنە تاماق كٷتۋ سەزٸمٸمەن بايلانىستىرۋىمەن تٷسٸندٸرەدٸ. دەگەنمەن زەرتتەۋ شاعىن توپپەن جەنە تەك جاس ەر ادامدار اراسىندا جٷرگٸزٸلگەن. سوندىقتان بۇل ەسەردٸڭ ەيەلدەرگە, باسقا جاستاعى ادامدارعا نەمەسە كەسٸبي سپورتشىلارعا دەل وسىلاي ەسەر ەتەتٸنٸ ەزٸرگە بەلگٸسٸز.
زەرتتەۋ اۆتورلارى الداعى ۋاقىتتا بۇل قۇبىلىستىڭ بيوحيمييالىق مەحانيزمدەرٸن انىقتاپ, نەتيجەنٸ باسقا توپتاردا دا تەكسەرۋدٸ جوسپارلاپ وتىر.
