Atalmysh seminardy eń birinshi №9 balabaqshanyń meńgerýshisi Sholpan Kabidýlaqyzynyń ózi ashyp, kirispe sóz sóiledi.
– Muny ótkizýdegi negizgi maqsat – beineleý jáne mýzykalyq óner arqyly balalardyń shyǵarmashylyq qabiletin arttyrý. Bul rette bala qiialyn damytý mańyzdy bolyp tabylady. Al mektep jasyna deiingi balanyń qiialyn damytýda beineleý óneri men mýzyka sabaqtary jetekshi ról atqarady. Búgingi bizdiń uiymdastyryp otyrǵan sharaǵa Almaty qalasyndaǵy balabaqshalardan joǵarǵy toptyń tárbieshileri, mýzykalyq jetekshiler, ádiskerler, balabaqsha meńgerýshileri, sondai-aq, pedagogtar bilimin jetildirý institýtynyń jáne qalalyq bilim basqarmasynyń ókilderi qatysyp otyr. Búgin bul shara bizde ótse, erteń basqa balabaqshalarda da ótedi. Sonda biz de olarǵa baryp, tájiribe almasatyn bolamyz. Balalardyń shyǵarmashylyq qabiletin damytý tásilderin bir-birimizden úirenip, artyq-kem tustarymyzdy birlesip túzetetin bolamyz, – dedi Sholpan Kabidýlaqyzy.
Aita keteiik, bul rette búldirshinderdiń qatysýymen ótken sabaq birden eki orynda ótkizildi. Birinshisin, mýzyka jetekshisi Natalia Kýharenko júrgizse, ekinshisin, joǵarǵy toptyń tárbieshisi Tamara Kriýkova júrgizdi. Biz Mýzyka zalyndaǵy «Mýzykalyq óner mýzeii» taqyrybynda ótken dáriske qatystyq.
Bir ereksheligi, munda mýzykalyq oiyndar arqyly balalardyń densaýlyǵyn, shyǵarmashylyǵyn nyǵaitýǵa basymdyq berilgen. Balalar mýzykany muqiiat tyńdai otyryp esti bilýge, yrǵaqtardy aiyra bilýge úirenedi eken. Osy arqyly olardyń mýzykaǵa qyzyǵýshylyǵy artady.
Bir qýanarlyǵy, munda balalar kúi atasy – Qurmanǵazynyń ómiri jáne shyǵarmashylyǵymen tanysty. Sazger, asqan dúldil dombyrashynyń kúilerin tyńdady. Odan keiin jetkinshekter kúishi-kompozitor, qazaq mádenietiniń kórnekti qairatkeri Dina Núrpeiisovanyń shyǵarmashylyǵymen tanysyp, kúilerin tyńdap, óz ónerlerin de pash etti.
Kúi – qazaqtyń ejelden-aq muńdasy, syrlasy, janserigi. Kúidiń ǵajaptyǵy sol – ómirdiń mán-mańyzyn uqtyrady. Kúi oiǵa jeteleidi. Adam bop ómir súrýge, jaqsylyqqa, izgilikke umtyldyrady. Sondyqtan da qazaqtyń qudiretti kúi ónerin búldirshinderdiń boiyna sińirýge tyrysý óte quptarlyq is dep esepteimiz.
Ish-shara sońynda balaqailar án aityp, bi bilep, qazaqtyń ulttyq oiyny – kókpardan jarys ótkizdi.
