اتالمىش سەميناردى ەڭ بٸرٸنشٸ №9 بالاباقشانىڭ مەڭگەرۋشٸسٸ شولپان كابيدۋلاقىزىنىڭ ٶزٸ اشىپ, كٸرٸسپە سٶز سٶيلەدٸ.
– مۇنى ٶتكٸزۋدەگٸ نەگٸزگٸ ماقسات – بەينەلەۋ جەنە مۋزىكالىق ٶنەر ارقىلى بالالاردىڭ شىعارماشىلىق قابٸلەتٸن ارتتىرۋ. بۇل رەتتە بالا قييالىن دامىتۋ ماڭىزدى بولىپ تابىلادى. ال مەكتەپ جاسىنا دەيٸنگٸ بالانىڭ قييالىن دامىتۋدا بەينەلەۋ ٶنەرٸ مەن مۋزىكا ساباقتارى جەتەكشٸ رٶل اتقارادى. بٷگٸنگٸ بٸزدٸڭ ۇيىمداستىرىپ وتىرعان شاراعا الماتى قالاسىنداعى بالاباقشالاردان جوعارعى توپتىڭ تەربيەشٸلەرٸ, مۋزىكالىق جەتەكشٸلەر, ەدٸسكەرلەر, بالاباقشا مەڭگەرۋشٸلەرٸ, سونداي-اق, پەداگوگتار بٸلٸمٸن جەتٸلدٸرۋ ينستيتۋتىنىڭ جەنە قالالىق بٸلٸم باسقارماسىنىڭ ٶكٸلدەرٸ قاتىسىپ وتىر. بٷگٸن بۇل شارا بٸزدە ٶتسە, ەرتەڭ باسقا بالاباقشالاردا دا ٶتەدٸ. سوندا بٸز دە ولارعا بارىپ, تەجٸريبە الماساتىن بولامىز. بالالاردىڭ شىعارماشىلىق قابٸلەتٸن دامىتۋ تەسٸلدەرٸن بٸر-بٸرٸمٸزدەن ٷيرەنٸپ, ارتىق-كەم تۇستارىمىزدى بٸرلەسٸپ تٷزەتەتٸن بولامىز, – دەدٸ شولپان كابيدۋلاقىزى.
ايتا كەتەيٸك, بۇل رەتتە بٷلدٸرشٸندەردٸڭ قاتىسۋىمەن ٶتكەن ساباق بٸردەن ەكٸ ورىندا ٶتكٸزٸلدٸ. بٸرٸنشٸسٸن, مۋزىكا جەتەكشٸسٸ ناتاليا كۋحارەنكو جٷرگٸزسە, ەكٸنشٸسٸن, جوعارعى توپتىڭ تەربيەشٸسٸ تامارا كريۋكوۆا جٷرگٸزدٸ. بٸز مۋزىكا زالىنداعى «مۋزىكالىق ٶنەر مۋزەيٸ» تاقىرىبىندا ٶتكەن دەرٸسكە قاتىستىق.
بٸر ەرەكشەلٸگٸ, مۇندا مۋزىكالىق ويىندار ارقىلى بالالاردىڭ دەنساۋلىعىن, شىعارماشىلىعىن نىعايتۋعا باسىمدىق بەرٸلگەن. بالالار مۋزىكانى مۇقييات تىڭداي وتىرىپ ەستي بٸلۋگە, ىرعاقتاردى ايىرا بٸلۋگە ٷيرەنەدٸ ەكەن. وسى ارقىلى ولاردىڭ مۋزىكاعا قىزىعۋشىلىعى ارتادى.
بٸر قۋانارلىعى, مۇندا بالالار كٷي اتاسى – قۇرمانعازىنىڭ ٶمٸرٸ جەنە شىعارماشىلىعىمەن تانىستى. سازگەر, اسقان دٷلدٸل دومبىراشىنىڭ كٷيلەرٸن تىڭدادى. ودان كەيٸن جەتكٸنشەكتەر كٷيشٸ-كومپوزيتور, قازاق مەدەنيەتٸنٸڭ كٶرنەكتٸ قايراتكەرٸ دينا نٷرپەيٸسوۆانىڭ شىعارماشىلىعىمەن تانىسىپ, كٷيلەرٸن تىڭداپ, ٶز ٶنەرلەرٸن دە پاش ەتتٸ.
كٷي – قازاقتىڭ ەجەلدەن-اق مۇڭداسى, سىرلاسى, جانسەرٸگٸ. كٷيدٸڭ عاجاپتىعى سول – ٶمٸردٸڭ مەن-ماڭىزىن ۇقتىرادى. كٷي ويعا جەتەلەيدٸ. ادام بوپ ٶمٸر سٷرۋگە, جاقسىلىققا, ٸزگٸلٸككە ۇمتىلدىرادى. سوندىقتان دا قازاقتىڭ قۇدٸرەتتٸ كٷي ٶنەرٸن بٷلدٸرشٸندەردٸڭ بويىنا سٸڭٸرۋگە تىرىسۋ ٶتە قۇپتارلىق ٸس دەپ ەسەپتەيمٸز.
ٸش-شارا سوڭىندا بالاقايلار ەن ايتىپ, بي بيلەپ, قازاقتىڭ ۇلتتىق ويىنى – كٶكپاردان جارىس ٶتكٸزدٸ.
