Balaeva: "Turmystyq zorlyq-zombylyqpen kúresýdiń keshendi jospary ázirlenýde"
«Qazirgi kezde biz úshin turmystyq zorlyq-zombylyq máseleleri aldyńǵy orynda tur. Bundai qylmystar úshin jaýapkershilik 2023 jyldyń 1 shildesinen bastap edáýir kúsheitilgen bolatyn. Solan beri jaýapqa tartylǵan agressorlar sany 2 esege kóbeigen. Dálirek aitqanda osy jyldyń ekinshi toqsanynda 7 myń adam jaýapqa tartylsa, úshinshi toqsanda olardyń sany 27 myń adamǵa jetken. Odan basqa 60 myń quqyq buzýshy ákimshilik jaýapkershilikke tartyldy. Olarǵa qatysty 70 myń eskertý jasaldy. Quqyq buzýshylardyń minez-qulqyn túzetý úshin sot arqyly sot arqyly 12 myń talap qoiyldy. Qabyldanǵan sharalardyń nátijesinde 10 aida otbasylyq-turmystyq quqyq buzýshylyqtar týraly habarlamalardy tirkeý 20 paiyzǵa, onyń ishinde qylmystyq quqyq buzýshylyqtar 4,2 paiyzǵa, aýyr qylmystar 12 paiyzǵa tómendedi.
Ókinishke orai sońǵy jaǵdailar bul máseleniń áli de kún tártibinen túspegenin jáne ózekti ekenin kórsetip tur.Basty sebep zańdy azamattardyń quqyǵyn qurmettemeý, osydan týyndaityn sananyń buzylýy, jalpy quqyqtyq nigilizm qazirgi qoǵamǵa tán ekenin kórsetip otyr.
Dál qazir Prezident janyndaǵy áielder jáne otbasylyq saiasaty jónindegi ulttyq komissiia turmystyq zorlyq-zombylyqpen kúresýdiń keshendi josparyn ázirleýge kiristi»,-dedi ministr.
Aida Balaeva barlyq sarapshylar men azamattyq sektorlardy belsendi bolýǵa tiisti usynystardy joldaýǵa shaqyrdy.
