«قازىرگى كەزدە ءبىز ءۇشىن تۇرمىستىق زورلىق-زومبىلىق ماسەلەلەرى الدىڭعى ورىندا تۇر. بۇنداي قىلمىستار ءۇشىن جاۋاپكەرشىلىك 2023 جىلدىڭ 1 شىلدەسىنەن باستاپ ەداۋىر كۇشەيتىلگەن بولاتىن. سولان بەرى جاۋاپقا تارتىلعان اگرەسسورلار سانى 2 ەسەگە كوبەيگەن. دالىرەك ايتقاندا وسى جىلدىڭ ەكىنشى توقسانىندا 7 مىڭ ادام جاۋاپقا تارتىلسا، ءۇشىنشى توقساندا ولاردىڭ سانى 27 مىڭ ادامعا جەتكەن. ودان باسقا 60 مىڭ قۇقىق بۇزۋشى اكىمشىلىك جاۋاپكەرشىلىككە تارتىلدى. ولارعا قاتىستى 70 مىڭ ەسكەرتۋ جاسالدى. قۇقىق بۇزۋشىلاردىڭ مىنەز-قۇلقىن تۇزەتۋ ءۇشىن سوت ارقىلى سوت ارقىلى 12 مىڭ تالاپ قويىلدى. قابىلدانعان شارالاردىڭ ناتيجەسىندە 10 ايدا وتباسىلىق-تۇرمىستىق قۇقىق بۇزۋشىلىقتار تۋرالى حابارلامالاردى تىركەۋ 20 پايىزعا، ونىڭ ىشىندە قىلمىستىق قۇقىق بۇزۋشىلىقتار 4،2 پايىزعا، اۋىر قىلمىستار 12 پايىزعا تومەندەدى.
وكىنىشكە وراي سوڭعى جاعدايلار بۇل ماسەلەنىڭ ءالى دە كۇن تارتىبىنەن تۇسپەگەنىن جانە وزەكتى ەكەنىن كورسەتىپ تۇر.باستى سەبەپ زاڭدى ازاماتتاردىڭ قۇقىعىن قۇرمەتتەمەۋ، وسىدان تۋىندايتىن سانانىڭ بۇزىلۋى، جالپى قۇقىقتىق نيگيليزم قازىرگى قوعامعا ءتان ەكەنىن كورسەتىپ وتىر.
ءدال ءقازىر پرەزيدەنت جانىنداعى ايەلدەر جانە وتباسىلىق ساياساتى جونىندەگى ۇلتتىق كوميسسيا تۇرمىستىق زورلىق-زومبىلىقپەن كۇرەسۋدىڭ كەشەندى جوسپارىن ازىرلەۋگە كىرىستى»،-دەدى مينيستر.
ايدا بالايەۆا بارلىق ساراپشىلار مەن ازاماتتىق سەكتورلاردى بەلسەندى بولۋعا ءتيىستى ۇسىنىستاردى جولداۋعا شاقىردى.
