Ahmetbek Nursila kúni keshe Ulttyq olimpiada komitetine oligarh Qulybaevtyń ornyna basshylyqqa kelgen Gennadii Golovkindi synap tastady, - dep habarlaidy Dalanews.kz.
Bul týraly ol Facebook paraqshasynda jazdy. Onyń pikirinshe, Golovkin de Qulybaevtyń bir túri, ákeler paidasy, berer kómegi joq.
"Nadan el qýanbas nársege qýanady. Abai. Qýansa búgin qýansyn qazaq, Tóbesi kókke timei tur az aq. Keshe bala baqshadaǵy sábiler birin -biri aiaýsyz soǵyp, tepkilep jatqan videosyn salǵanda kóptegen oqyrmandar "Ata-anasy ne tárbieshi kináli" degendi aityp jatty!
Oǵan qoǵam, myna siz ben biz kinálimiz. Boks, erejesiz jekpe jek jaýyzdyqqa tárbieleidi! Ony ulyqtap, nasihattaý ultyńa jasalǵan qastandyq!
Sporttyń tóresi jeńil atletika. Sportpen 100% barlyq Qazaqstandyq ainalysýy kerek. Ol úshin qarapaiym krossovka jetedi. Sport alańqailaryn salý kerek.
Úlken sport- biznes!
Genanyń jeke basyna eshbir óshtigim de, qyzǵanyshym da joq. Biraq ol Qazaq elindegi balalardyń psihologiiasyn buzǵannan basqa eshteme ákelmeidi.
"Qazaqty álemge tanytty, kók týdy jelbiretti" dersizder. Odan sizge, elge, keler urpaqqa ne paida?" - dep jazdy ol.
Aita keteiik, buǵan deiin Ulttyq olimpiada komitetinde prezident qyzmetin eks-prezidenttiń kúieý balasy Timýr Qulybaev atqardy. Al keshe jiyn ótip, resmi túrde kelesi tizgindi boksshy Golovkin aldy.
Alaida qoǵamda buǵan deiin de Ulttyq olimpiada komitetiniń basshylyq quramyna qatysty qyzý daý júrgen edi. Depýtattar da bul máseleni birneshe márte kóterdi. Máselen, Bapi Qulybaevty ashyq synap tastady.
"Onyń oiy eldiń munaiyn satyp, qaltasyn toltyrý. Sportty qaitsyn?! ...Parij Olimpiadasy qarsańynda mundai jaǵdaiǵa múldem jol berilmeýi tiis! Ulttyq Olimpiada Komitetine túbegeili ózgerister kerek", - degen edi ol.
