Qazaqstan Respýblikasynyń Kólik ministrliginiń baspasóz qyzmeti Bakýden Aqtaýǵa kelgen ushaqta aqaý paida bolǵanyn jetkizdi, dep habarlaidy Dalanews.kz.
"Aqtaý áýejaiynda aerodromdyq jáne jerústi qyzmetteri ushý-qoný jolaǵynan áýe kemesin súirep áketý jumystaryn júrgizdi. Ushaq shtattyq rejimde qonǵan. Alaida qonǵannan keiin áýe kemesiniń muryndyq tiregishinde (Baký – Aqtaý baǵyty) aqaý paida bolǵan", – dep habarlady ministrlik dúisenbi kúni KazTAG redaktsiiasyna.
Aita ketý kerek, ushaqta jolaýshylar bolmaǵan.
"Áýejai ashyq, shtattyq rejimde jumys istep tur", – dep qosty vedomstvo.
Eske salaiyq, 25 jeltoqsanda jergilikti ýaqyt boiynsha 11.30-da Aqtaý mańynda Bakýden Groznyiǵa ushyp bara jatqan ushaq apatqa ushyrady. Bul — Azerbaijan Airlines áýekompaniiasyna tiesili Embraer 190 ushaǵy.
Aqparat boiynsha ushaq bortynda 67 adam, onyń ishinde 5 ekipaj múshesi bolǵan. Jolaýshylar reisi qatty tumanǵa bailanysty Groznyiǵa qona almaǵan, aldymen Mahachkalaǵa, sodan keiin Aqtaýǵa baǵyttalǵan.
Apattan 6 qazaqstandyq kóz jumdy. Jalpy qaza tapqandar sany — 38. 29 adam aman qaldy.
