قازاقستان رەسپۋبليكاسىنىڭ كٶلٸك مينيسترلٸگٸنٸڭ باسپاسٶز قىزمەتٸ باكۋدەن اقتاۋعا كەلگەن ۇشاقتا اقاۋ پايدا بولعانىن جەتكٸزدٸ, دەپ حابارلايدى Dalanews.kz.
"اقتاۋ ەۋەجايىندا اەرودرومدىق جەنە جەرٷستٸ قىزمەتتەرٸ ۇشۋ-قونۋ جولاعىنان ەۋە كەمەسٸن سٷيرەپ ەكەتۋ جۇمىستارىن جٷرگٸزدٸ. ۇشاق شتاتتىق رەجيمدە قونعان. الايدا قونعاننان كەيٸن ەۋە كەمەسٸنٸڭ مۇرىندىق تٸرەگٸشٸندە (باكۋ – اقتاۋ باعىتى) اقاۋ پايدا بولعان", – دەپ حابارلادى مينيسترلٸك دٷيسەنبٸ كٷنٸ KazTAG رەداكتسيياسىنا.
ايتا كەتۋ كەرەك, ۇشاقتا جولاۋشىلار بولماعان.
"ەۋەجاي اشىق, شتاتتىق رەجيمدە جۇمىس ٸستەپ تۇر", – دەپ قوستى ۆەدومستۆو.
ەسكە سالايىق, 25 جەلتوقساندا جەرگٸلٸكتٸ ۋاقىت بويىنشا 11.30-دا اقتاۋ ماڭىندا باكۋدەن گروزنىيعا ۇشىپ بارا جاتقان ۇشاق اپاتقا ۇشىرادى. بۇل — Azerbaijan Airlines ەۋەكومپانيياسىنا تيەسٸلٸ ەمبراەر 190 ۇشاعى.
اقپارات بويىنشا ۇشاق بورتىندا 67 ادام, ونىڭ ٸشٸندە 5 ەكيپاج مٷشەسٸ بولعان. جولاۋشىلار رەيسٸ قاتتى تۇمانعا بايلانىستى گروزنىيعا قونا الماعان, الدىمەن ماحاچكالاعا, سودان كەيٸن اقتاۋعا باعىتتالعان.
اپاتتان 6 قازاقستاندىق كٶز جۇمدى. جالپى قازا تاپقاندار سانى — 38. 29 ادام امان قالدى.
