Baǵys aýyly turǵyndardyń úileri tolyqtai qujattandyryldy. Endi gaz tartylyp, mektep salynbaqshy
Kezdesý barysynda turǵyndar menshik pen jer telimderin rásimdeý múmkindigi joq ekenin aityp másele kótergen bolatyn. Aýyl halqy jaiylymdyq jáne sýarmaly jerlerdiń jetispeýshiligi men aýylǵa gaz jetkizý máselesin kóterdi. Kezdesý qorytyndysymen, problemalyq máseleni sheshý maqsatynda Túrkistan oblysynyń ákimi Ómirzaq Shókeev pen múddeli organdardyń basshylaryna tapsyrmalar berdi.
QR Úkimetiniń 17.05.2021 jylǵy №326 qaýlysymen Túrkistan oblysynyń shekarasy ózgertilip, memlekettik shekara mańyndaǵy Baǵys jáne Hiebon aýyldary 795,62 gektar jer aýmaqtarymen oblystyń aýmaǵyna engizildi.
Resmi mártebe berilip, jyljymaityn múlikke túgendeý jumystary aiaqtaldy. Azamattardyń jer ýchaskelerin rásimdeý jumystary bastaldy.
Baǵys aýyly turǵyndaryna qolaily bolý úshin mobildi HQKO uiymdastyryldy. Shilde aiyna deiin Baǵys eldi mekeni tabiǵi gazben tolyq qamtamasyz etilmek. Gaz qubyrlaryn tartý jumystary osydan 2 jyl buryn bastalǵan. Kelesi jyly Baǵys aýylynda 300 oryndyq jańa mektep salynady.
Shekara mańyndaǵy Baǵys aýyly Saryaǵash aýdanynan 40 shaqyrym jerde ornalasqan. 2009 jylǵy sanaq boiynsha, aýylda 1143 adam turǵan.
