كەزدەسۋ بارىسىندا تۇرعىندار مەنشىك پەن جەر تەلىمدەرىن راسىمدەۋ مۇمكىندىگى جوق ەكەنىن ايتىپ ماسەلە كوتەرگەن بولاتىن. اۋىل حالقى جايىلىمدىق جانە سۋارمالى جەرلەردىڭ جەتىسپەۋشىلىگى مەن اۋىلعا گاز جەتكىزۋ ماسەلەسىن كوتەردى. كەزدەسۋ قورىتىندىسىمەن، پروبلەمالىق ماسەلەنى شەشۋ ماقساتىندا تۇركىستان وبلىسىنىڭ اكىمى ءومىرزاق شوكەيەۆ پەن مۇددەلى ورگانداردىڭ باسشىلارىنا تاپسىرمالار بەردى.
ق ر ۇكىمەتىنىڭ 17.05.2021 جىلعى №326 قاۋلىسىمەن تۇركىستان وبلىسىنىڭ شەكاراسى وزگەرتىلىپ، مەملەكەتتىك شەكارا ماڭىنداعى باعىس جانە حيەبون اۋىلدارى 795،62 گەكتار جەر اۋماقتارىمەن وبلىستىڭ اۋماعىنا ەنگىزىلدى.
رەسمي مارتەبە بەرىلىپ، جىلجىمايتىن مۇلىككە تۇگەندەۋ جۇمىستارى اياقتالدى. ازاماتتاردىڭ جەر ۋچاسكەلەرىن راسىمدەۋ جۇمىستارى باستالدى.
باعىس اۋىلى تۇرعىندارىنا قولايلى بولۋ ءۇشىن ءموبيلدى حقكو ۇيىمداستىرىلدى. شىلدە ايىنا دەيىن باعىس ەلدى مەكەنى تابيعي گازبەن تولىق قامتاماسىز ەتىلمەك. گاز قۇبىرلارىن تارتۋ جۇمىستارى وسىدان 2 جىل بۇرىن باستالعان. كەلەسى جىلى باعىس اۋىلىندا 300 ورىندىق جاڭا مەكتەپ سالىنادى.
شەكارا ماڭىنداعى باعىس اۋىلى سارىاعاش اۋدانىنان 40 شاقىرىم جەردە ورنالاسقان. 2009 جىلعى ساناق بويىنشا، اۋىلدا 1143 ادام تۇرعان.
