Is-shara qalanyń Sybailas jemqorlyqqa qarsy qyzmeti, Almaty ákimdigi, «Nur Otan» partiiasy, «Atameken» UKP ókilderiniń, sondai-aq úkimettik emes uiymdar men qoǵam qairatkerleriniń qatysýymen ótti.
Almaty ákiminiń orynbasary Erjan Babaqumarov konferentsiiaǵa qatysýshylarǵa arnaǵan sózinde belsendi azamattyq qoǵamdastyqsyz sybailas jemqorlyqty barynsha azaitý, joiý týraly aitýdyń maǵynasy joq ekenin atap ótti.
– Sybailas jemqorlyqqa qarsy tabysty is-qimyl memlekettik organdar men qoǵamnyń birlesken kúsh-jigeriniń arqasynda ǵana múmkin bolady, – dedi Erjan Babaqumarov.
Konferentsiia barysynda Almatyda 2021 jylǵy Sybailas jemqorlyqqa qarsy is-qimyl boiynsha jumys talqylandy jáne qorytyndylandy.
«Sondai-aq, osy maqsatqa jetý úshin azamattyq qoǵamnyń qatysýy qajet ekenin túsiný óte mańyzdy» dedi Murat Ahmetov.
Konferentsiia aiasynda sybailas jemqorlyqqa qarsy mádenietti qalyptastyrýǵa úles qosqan qalanyń qoǵam qairatkerlerin marapattaý rásimi ótti.
Almaty ákiminiń atynan gramotalardy qala ákiminiń orynbasary Erjan Babaqumarov tapsyrdy. Sybailas jemqorlyqqa qarsy is-qimyl agenttiginiń tóraǵasynyń atynan – Almaty qalasynyń Sybailas jemqorlyqqa qarsy qyzmetiniń basshysy Murat Ahmetov tapsyrdy.
– Qoǵam qairatkerleriniń róli óte mańyzdy, óitkeni olar qoǵamda sybailas jemqorlyqqa tózbeýshilik, parasattylyq, adaldyq jáne ádildik mádenietin taratýǵa jáne qalyptastyrýǵa óz úlesterin qosýda, – dep atap ótti Erjan Babaqumarov.
Óz kezeginde, Murat Ahmetov sybailas jemqorlyq kúrdeli áleýmettik, saiasi jáne ekonomikalyq qubylys ekenin, ol qandai da bir dárejede barlyǵyna áser etetinin aitty. Osyǵan bailanysty, qoǵamshyldardyń kómegi baǵa jetpes.
Almaty TV telearnasynyń bas direktory Nurjan Muhamedjanova, «Qazaqfilm» AQ prezidenti Aqan Sataev, «Almaty – Adaldyq Alańy» jobalyq keńsesiniń basshysy A. Sábitova, «Sanaly Urpaq» respýblikalyq jobalyq keńsesiniń basshysy Q. Tokýshev jáne basqa da jurtshylyq ókilderi erekshe úlesi men belsendi qyzmeti úshin marapattaldy.
