BAÁ banki Qazaqstandaǵy jobalardy qarjylandyrý kólemin 7,5 trln teńgege deiin ulǵaitýdy josparlap otyr, dep habarlaidy dalanews.kz.
Abu Dhabi Commercial Bank Kazakhstan direktorlar keńesiniń tóraǵasy Farýh Ál Marzýki Premer-ministr Oljas Bektenovpen kezdesýde bank Qazaqstandaǵy jobalardy qarjylandyrý kólemin aldaǵy bir jarym jyl ishinde 7,5 trln teńgege deiin jetkizýdi kózdep otyrǵanyn málimdedi.
Qazirgi ýaqytta qarjy institýty qazaqstandyq jobalardy qarjylandyrýǵa 2,5 trln teńge baǵyttap otyr. Jospar boiynsha bul kórsetkish úsh esege ulǵaiady.
Sońǵy 15 jylda ADCB Kazakhstan eldegi 100-den astam biznes-bastamaǵa qarjylyq qoldaý kórsetken. Onyń shamamen 90 paiyzy shaǵyn jáne orta biznes salasyna tiesili.
Banktiń basym baǵyttarynyń qatarynda energetika, kólik jáne logistika, munai-himiia ónerkásibi, tsifrlyq infraqurylym jáne ekonomikanyń naqty sektoryn damytý jobalary bar.
