Qoja Ahmet Iasaýıdiń muralary men Túrkistan óńirinde ornalasqan kıeli jerlerdi nasıhattaýǵa arnalǵan kórmeniń lentasyn Qazaqstan Respýblıkasynyń Reseı Federasıasyndaǵy Elshiliginiń Krasnodar ólkesindegi Qurmetti Konsýly Mohnachev Vıtalıı Vıktorovıch qıyp, álemdik jetekshi týrısik ortalyqtar nazaryna usynylatyn jádigerlerdiń mańyzdylyǵyna toqtaldy.
Týrıser úshin keseneniń ár jyldardaǵy beıneleri men Túrkistannyń kórinisteri, taıqazan, shyraǵdan sýretteri, Qoja Ahmet Iasaýı men taıqazannyń maketteri tanystyrylsa,
Iasaýı kesenesi men Qylýet jerasty meshiti, Shyǵys monshasy, Gaýhar ana, Ýkasha ata kesenesi men qudyǵy, Saýran qalashyǵy syndy tarıhı oryndardyń 3D týr nusqasy Elbasymyzdyń sıfrlandyrý júıesi negizinde daıyndalyp, halyqaralyq kórmede kózildirik arqyly kórsetildi.
Sonymen qatar, qoryq-mýzeıdiń tarıhı oryndary men mýzeı haqynda úsh tilde jaryq kórgen býklet kitapshalary men jádigerlerdiń katalog kitaptary da kórme ekspozısıasynan oryn aldy.
Sonymen qatar, otandyq týrısik ortalyqtar «Qazaqstanǵa saıahat jasa» jarnamalyq uranymen túrli mádenı baǵdarlama usynyp, elimizdiń kórikti jerlerimen birge qazaqtyń salt-dástúr, ádet-ǵurpy jáne tól ónerimen tanystyrýda. Qazaqstannan barǵan delegattardyń "Qara jorǵa" bıine tánti bolǵan reseılikt asyq atý ulttyq oıynyna da belsene kiristi. Sondaı-aq, qazaqtyń ulttyq taǵamdaryn nasıhattap jatqan delegattar qurt isteý tásilderin kórsetti.
"Áziret Sultan" memlekettik tarıhı-mádenı qoryq-mýzeıiniń baspasóz qyzmeti
