قوجا احمەت ءياساۋيدىڭ مۇرالارى مەن تۇركىستان وڭىرىندە ورنالاسقان كيەلى جەرلەردى ناسيحاتتاۋعا ارنالعان كورمەنىڭ لەنتاسىن قازاقستان رەسپۋبليكاسىنىڭ رەسەي فەدەراسياسىنداعى ەلشىلىگىنىڭ كراسنودار ولكەسىندەگى قۇرمەتتى كونسۋلى موحناچيەۆ ۆيتاليي ۆيكتوروۆيچ قيىپ، الەمدىك جەتەكشى تۋريستىك ورتالىقتار نازارىنا ۇسىنىلاتىن جادىگەرلەردىڭ ماڭىزدىلىعىنا توقتالدى.
تۋريستەر ءۇشىن كەسەنەنىڭ ءار جىلدارداعى بەينەلەرى مەن تۇركىستاننىڭ كورىنىستەرى، تايقازان، شىراعدان سۋرەتتەرى، قوجا احمەت ياساۋي مەن تايقازاننىڭ ماكەتتەرى تانىستىرىلسا،
ياساۋي كەسەنەسى مەن قىلۋەت جەراستى مەشىتى، شىعىس مونشاسى، گاۋحار انا، ۋكاشا اتا كەسەنەسى مەن قۇدىعى، ساۋران قالاشىعى سىندى تاريحي ورىنداردىڭ 3D تۋر نۇسقاسى ەلباسىمىزدىڭ سيفرلاندىرۋ جۇيەسى نەگىزىندە دايىندالىپ، حالىقارالىق كورمەدە كوزىلدىرىك ارقىلى كورسەتىلدى.
سونىمەن قاتار، قورىق-مۋزەيدىڭ تاريحي ورىندارى مەن مۋزەي حاقىندا ءۇش تىلدە جارىق كورگەن بۋكلەت كىتاپشالارى مەن جادىگەرلەردىڭ كاتالوگ كىتاپتارى دا كورمە ەكسپوزيسياسىنان ورىن الدى.
سونىمەن قاتار، وتاندىق تۋريستىك ورتالىقتار «قازاقستانعا ساياحات جاسا» جارنامالىق ۇرانىمەن ءتۇرلى مادەني باعدارلاما ۇسىنىپ، ەلىمىزدىڭ كورىكتى جەرلەرىمەن بىرگە قازاقتىڭ ءسالت-داستۇر، ادەت-عۇرپى جانە ءتول ونەرىمەن تانىستىرۋدا. قازاقستاننان بارعان دەلەگاتتاردىڭ "قارا جورعا" بيىنە ءتانتى بولعان رەسەيلىكت اسىق اتۋ ۇلتتىق ويىنىنا دا بەلسەنە كىرىستى. سونداي-اق، قازاقتىڭ ۇلتتىق تاعامدارىن ناسيحاتتاپ جاتقان دەلەگاتتار قۇرت ىستەۋ تاسىلدەرىن كورسەتتى.
"ازىرەت سۇلتان" مەملەكەتتىك تاريحي-مادەني قورىق-مۋزەيىنىڭ باسپا ءسوز قىزمەتى
