Reseıdiń Mıneralnye Vody qalasyna ushyp bara jatqan Azerbaijan Airlines áýekompanıasynyń ushaǵy shuǵyl túrde Bakýge qaıtyp keldi, - dep habarlaıdy Dalanews.kz.
Buǵan deıin jýrnalıs Shakır Emınbeılı áleýmettik jelilerde Bakýden Mıneralnye Vody qalasyna ushyp shyqqan ushaqtyń ushqyshsyz ushý apparattarynyń shabýylyna baılanysty keri qaıtqany týraly habarlaǵan bolatyn.
Habarlamaǵa sáıkes, J2-8717 reısiniń kapıtany ushqannan keıin birden Geıdar Álıev atyndaǵy halyqaralyq áýejaıǵa oralý týraly sheshim qabyldaǵan. Azerbaijan Airlines kompanıasy bul sheshim Mahachkala ústindegi áýe keńistiginiń jabylǵany týraly NOTAM habarlamasyn alǵannan keıin qabyldanǵanyn málimdedi.
Ushaq jergilikti ýaqyt boıynsha saǵat 10:13-te Bakýge sátti qondy.
