رەسەيدىڭ مينەرالنىە ۆودى قالاسىنا ۇشىپ بارا جاتقان Azerbaijan Airlines اۋەكومپانياسىنىڭ ۇشاعى شۇعىل تۇردە باكۋگە قايتىپ كەلدى، - دەپ حابارلايدى Dalanews.kz.
بۇعان دەيىن جۋرناليست شاكير ەمينبەيلي الەۋمەتتىك جەلىلەردە باكۋدەن مينەرالنىە ۆودى قالاسىنا ۇشىپ شىققان ۇشاقتىڭ ۇشقىشسىز ۇشۋ اپپاراتتارىنىڭ شابۋىلىنا بايلانىستى كەرى قايتقانى تۋرالى حابارلاعان بولاتىن.
حابارلاماعا سايكەس، J2-8717 رەيسىنىڭ كاپيتانى ۇشقاننان كەيىن بىردەن گەيدار الييەۆ اتىنداعى حالىقارالىق اۋەجايعا ورالۋ تۋرالى شەشىم قابىلداعان. Azerbaijan Airlines كومپانياسى بۇل شەشىم ماحاچكالا ۇستىندەگى اۋە كەڭىستىگىنىڭ جابىلعانى تۋرالى NOTAM حابارلاماسىن العاننان كەيىن قابىلدانعانىن مالىمدەدى.
ۇشاق جەرگىلىكتى ۋاقىت بويىنشا ساعات 10:13-تە باكۋگە ءساتتى قوندى.
