Ázerbaijandyq áskeri qyzmetshiler Túrki memleketteri uiymy aiasynda qazaq tilinde bilim alǵysy keledi. Bul týraly Qazaqstan Respýblikasy Ulttyq qorǵanys ýniversitetiniń bastyǵy Asqar Mustabekov málimdedi, dep habarlaidy Dalanews.kz.
"Ázerbaijanda olar ázerbaijan, túrik nemese aǵylshyn tilderinde oqidy. Osyǵan bailanysty olar bizdiń ýniversitette qazaq tilinde oqý kýrstarynan ótýdi qalady", -dedi Asqar Mustabekov.
Onyń aitýynsha, 1 qyrkúiekten bastap ýniversitette qazaq tili kýrstary ashylady.
"Aldymen olar qazaq tilin oqidy. Kýrstar 9 aiǵa sozylady", - dedi ol.
Mustabekov oqý baǵdarlamalary ýniversitettegi orys tili kýrstary úlgisinde qurylatynyn aitty.
"Qytai, Frantsiia jáne Úndistan ofitserleri ýniversitette orys tilin úirenip, sodan keiin negizgi bilim alady", — dedi ol.
Aita keteiik, qazir Qazaqstannyń Ulttyq qorǵanys ýniversitetinde UQShU elderiniń áskeri qyzmetshileri bilim alyp jatyr. Onda áskeri pánder orys tilinde oqytylady.
