Ázerbaıjan prezıdenti Ilham Álıev Máskeýdegi Jeńis paradyna qatysýdan nege bas tartqany belgili boldy, dep habarlaıdy Dalanews.kz.
Reseı astanasynda ardagerlerge qurmet kórsetiletin kezde, Ázerbaıjan prezıdenti Ilham Álıev óz elinde bolady. Bul týraly Reseı prezıdentiniń kómekshisi Iýrıı Ýshakov málimdedi.
«Bizge Ilham Álıev Geıdar Álıevke arnalǵan ishki sharalarǵa qatysady dep túsindirdi», deıdi Ýshakov.
Reseı Memlekettik Dýmasynyń depýtaty Svetlana Jýrova da bul jaıtqa qatysty pikir bildirdi
«Biz, árıne, birden buǵan astarly maǵyna izdeımiz. Biraq Álıev 9 mamyrǵa oraı óz paradtaryn nemese sharalaryn ótkizýdi josparlap otyrǵan shyǵar. Onyń Ázerbaıjanda bolýy eldegi patrıottyq rýhty kóterý úshin qajet shyǵar», deıdi Jýrova.
Eske salaıyq,Ázerbaıjan basshysy Ilham Álıev Aqtaýdaǵy ushaq apatyna Reseı jaýapty ekenin aıtqan bolatyn.
"Ázerbaıjan azamattarynyń osy apatta qaza tapqanyna Reseı Federasıasynyń ókilderi jaýapty dep senimmen aıta alamyn. Biz ádildikti, kinálilerdiń jazalanýyn, tolyq ashyqtyq pen adamı qarym-qatynasty talap etemiz", – degen edi Ázerbaıjan prezıdenti.
