ازەربايجان پرەزيدەنتى يلحام الييەۆ ماسكەۋدەگى جەڭىس پارادىنا قاتىسۋدان نەگە باس تارتقانى بەلگىلى بولدى، دەپ حابارلايدى Dalanews.kz.
رەسەي استاناسىندا ارداگەرلەرگە قۇرمەت كورسەتىلەتىن كەزدە، ازەربايجان پرەزيدەنتى يلحام الييەۆ ءوز ەلىندە بولادى. بۇل تۋرالى رەسەي پرەزيدەنتىنىڭ كومەكشىسى يۋريي ۋشاكوۆ مالىمدەدى.
«بىزگە يلحام الييەۆ گەيدار الييەۆكە ارنالعان ىشكى شارالارعا قاتىسادى دەپ ءتۇسىندىردى»، دەيدى ۋشاكوۆ.
رەسەي مەملەكەتتىك دۋماسىنىڭ دەپۋتاتى سۆەتلانا جۋروۆا دا بۇل جايتقا قاتىستى پىكىر ءبىلدىردى
«ءبىز، ارينە، بىردەن بۇعان استارلى ماعىنا ىزدەيمىز. ءبىراق الييەۆ 9 مامىرعا وراي ءوز پارادتارىن نەمەسە شارالارىن وتكىزۋدى جوسپارلاپ وتىرعان شىعار. ونىڭ ازەربايجاندا بولۋى ەلدەگى پاتريوتتىق رۋحتى كوتەرۋ ءۇشىن قاجەت شىعار»، دەيدى جۋروۆا.
ەسكە سالايىق،ازەربايجان باسشىسى يلحام الييەۆ اقتاۋداعى ۇشاق اپاتىنا رەسەي جاۋاپتى ەكەنىن ايتقان بولاتىن.
"ازەربايجان ازاماتتارىنىڭ وسى اپاتتا قازا تاپقانىنا رەسەي فەدەراسياسىنىڭ وكىلدەرى جاۋاپتى دەپ سەنىممەن ايتا الامىن. ءبىز ادىلدىكتى، كىنالىلەردىڭ جازالانۋىن، تولىق اشىقتىق پەن ادامي قارىم-قاتىناستى تالاپ ەتەمىز"، – دەگەن ەدى ازەربايجان پرەزيدەنتى.
