Ashyq pikirtalasta Azat Perýashev QR Ulttyq banktiń paıyzdyq mólsherlemesin tómendetýdi usyndy. Qazirgi tańda Eýropalyq bankter ózderiniń paıyzdyq mólsherlemesin – 05 paıyzǵa deıin tómendetkenin «Aq joldyń» jetekshisi tilge tıek etti.
– Aldaǵy ýaqytta elimizdegi shaǵyn jáne orta bıznes ókilderiniń alǵan nesıelerin qaıta qarjylandyrýdy usynamyn. Pandemıaǵa baılanysty 4 myńnan astam ǵana kásipkerdiń alǵan nesıeleri qaıta qarjylandyrylýda. Bizdińshe, elimizdegi barlyq kásipkerlerdiń nesıeleri qaıta qarjylandyrylýy qajet. Bul el ekonomıkasyn damytý úshin qajet shara. «Aq jol» partıasy osy baǵytta jumys istep, kózdegen maqsatyna qol jetkizgenshe, jumys isteıtin bolady, – dedi «Aq jol» partıasynyń tóraǵasy.
Sonymen qatar partıa jetekshisi osyndaı qıyn kezeńde shaǵyn jáne orta bıznes ókilderin salyqtan bosatý máselesin de alǵa tartty. Azat Perýashev mundaı mańyzdy sharany Úkimet elimizdegi kásipkerlerdiń tólem qabileti paıda bolǵansha saqtaýdy jáne áleýetti salalar boıynsha qosymsha qun salyǵynyń mólsherin de birshama tómendetýdiń mańyzy zor ekenin aıtty.
– Bolashaqta Qazaqstan tabıǵı qazba baılyqtardan tek qana salyqtyq tólemder ǵana alyp qoımaı, sonymen qatar ónimdi tereń óńdeıtin zamanaýı tehnologıalarǵa da ıe bolýy kerek. 2021 jyldyń 1 qańtarynan bastap qazaqstandyq 58 kompanıa «Jer qoınaýy jáne jer qoınaýyn paıdalaný» týraly kodeksindegi kórsetilgen jeńildikterden aıyrylady. Sol sebepti «Aq jol» partıasy elimizdegi taý-ken jáne munaı-gaz salasynda jumys istep jatqan sheteldik iri kompanıalardan qazaqstandyq kásiporyndardyń taýaryn satyp alyp, elimizde óndiris oryndaryn qurýdy talap etemiz, – degen Azat Perýashev debat barysynda el ekonomıkasyn daǵdarystan qalaı saqtap qalýdyń naqty joldaryn kórsetti.
Elimizde shaǵyn jáne orta bıznestiń múddesin qorǵap júrgen «Aq jol» partıasy Parlament qabyrǵasynda kásipkerlerdiń jaǵdaıyn jaqsartatyn birqatar zańdardy qabyldaýǵa muryndyq bolǵany belgili. Aıtalyq, 2012 jyly «Aq jol» partıasynyń talap etýi boıynsha Úkimet zańdy tulǵalardy qylmystyq jaýapkershilikke tartý máselesin alyp tastaǵan bolatyn. Sol sıaqty 2017 jyly «Aq jol» partıasynyń aralasýymen jalǵan kásipkerlerdi anyqtaý máselesi qaralyp, myńdaǵan kásipker azamattar túrmeden bosatylǵan. Budan basqa, 2020 jyly «aqjoldyq» depýtattardyń arqasynda 600-den astam kásipkerlerdiń ústinen zańsyz qozǵalǵan qylmys toqtatyldy. Elimizdegi shaǵyn kásipkerlerdi tekserýdiń úsh jylǵa deıin toqtatylýyna «Aq jol» partıasy aralasqany belgili.
Osylaısha, «Aq jol» partıasy kópshilik ortada óziniń alǵa qoıǵan maqsatynan aınymaı, elimizde kásipkerlik salany qorǵaıtyn jetekshi saıası uıymǵa aınaldy.
(Materıal aqysy «Aq jol» partıasynyń saılaý qory qarjysy esebinen tólendi)
