«اق جول» پارتياسىنىڭ سايلاۋالدى باعدارلاماسىن ناسيحاتتاۋ ماقساتىندا ساياسي ۇيىم جەتەكشىسى ازات پەرۋاشيەۆ مىرزا «حابار» ارناسىندا وتكەن دەباتتا ەلىمىزدىڭ ساياسي-ەكونوميكالىق، الەۋمەتتىك جاعدايىن جاقسارتۋعا قاتىستى ويلارىمەن بولىسكەن بولاتىن. وسى رەتتە «اق جول» پارتياسىنىڭ ءتوراعاسى ەلىمىزدە ەكونوميكالىق رەفورمالاردى تابىستى جۇزەگە اسىرۋ ءۇشىن اشىق، باسەكەگە قابىلەتتى كاسىپكەرلەردىڭ شوعىرىن قالىپتاستىرۋ كەرەك ەكەنىن اتاپ ءوتتى.

اشىق پىكىرتالاستا ازات پەرۋاشيەۆ ق ر ۇلتتىق بانكتىڭ پايىزدىق مولشەرلەمەسىن تومەندەتۋدى ۇسىندى. قازىرگى تاڭدا ەۋروپالىق بانكتەر وزدەرىنىڭ پايىزدىق مولشەرلەمەسىن – 05 پايىزعا دەيىن تومەندەتكەنىن «اق جولدىڭ» جەتەكشىسى تىلگە تيەك ەتتى.

– الداعى ۋاقىتتا ەلىمىزدەگى شاعىن جانە ورتا بيزنەس وكىلدەرىنىڭ العان نەسيەلەرىن قايتا قارجىلاندىرۋدى ۇسىنامىن. پاندەمياعا بايلانىستى 4 مىڭنان استام عانا كاسىپكەردىڭ العان نەسيەلەرى قايتا قارجىلاندىرىلۋدا. بىزدىڭشە، ەلىمىزدەگى بارلىق كاسىپكەرلەردىڭ نەسيەلەرى قايتا قارجىلاندىرىلۋى قاجەت. بۇل ەل ەكونوميكاسىن دامىتۋ ءۇشىن قاجەت شارا. «اق جول» پارتياسى وسى باعىتتا جۇمىس ىستەپ، كوزدەگەن ماقساتىنا قول جەتكىزگەنشە، جۇمىس ىستەيتىن بولادى، – دەدى «اق جول» پارتياسىنىڭ ءتوراعاسى.

سونىمەن قاتار پارتيا جەتەكشىسى وسىنداي قيىن كەزەڭدە شاعىن جانە ورتا بيزنەس وكىلدەرىن سالىقتان بوساتۋ ماسەلەسىن دە العا تارتتى. ازات پەرۋاشيەۆ مۇنداي ماڭىزدى شارانى ۇكىمەت ەلىمىزدەگى كاسىپكەرلەردىڭ تولەم قابىلەتى پايدا بولعانشا ساقتاۋدى جانە الەۋەتتى سالالار بويىنشا قوسىمشا قۇن سالىعىنىڭ مولشەرىن دە ءبىرشاما تومەندەتۋدىڭ ماڭىزى زور ەكەنىن  ايتتى.

– بولاشاقتا قازاقستان تابيعي قازبا بايلىقتاردان تەك قانا سالىقتىق تولەمدەر عانا الىپ قويماي، سونىمەن قاتار ءونىمدى تەرەڭ وڭدەيتىن زاماناۋي تەحنولوگيالارعا دا يە بولۋى كەرەك. 2021 جىلدىڭ 1 قاڭتارىنان باستاپ قازاقستاندىق 58 كومپانيا «جەر قويناۋى جانە جەر قويناۋىن پايدالانۋ» تۋرالى كودەكسىندەگى كورسەتىلگەن جەڭىلدىكتەردەن ايىرىلادى. سول سەبەپتى «اق جول» پارتياسى ەلىمىزدەگى تاۋ-كەن جانە مۇناي-گاز سالاسىندا جۇمىس ىستەپ جاتقان شەتەلدىك ءىرى كومپانيالاردان قازاقستاندىق كاسىپورىنداردىڭ تاۋارىن ساتىپ الىپ، ەلىمىزدە ءوندىرىس ورىندارىن قۇرۋدى تالاپ ەتەمىز، – دەگەن ازات پەرۋاشيەۆ دەبات بارىسىندا ەل ەكونوميكاسىن داعدارىستان قالاي ساقتاپ قالۋدىڭ ناقتى جولدارىن كورسەتتى.

ەلىمىزدە شاعىن جانە ورتا بيزنەستىڭ مۇددەسىن قورعاپ جۇرگەن «اق جول» پارتياسى پارلامەنت قابىرعاسىندا كاسىپكەرلەردىڭ جاعدايىن جاقسارتاتىن ءبىرقاتار زاڭداردى قابىلداۋعا مۇرىندىق بولعانى بەلگىلى. ايتالىق، 2012 جىلى «اق جول» پارتياسىنىڭ تالاپ ەتۋى بويىنشا ۇكىمەت زاڭدى تۇلعالاردى قىلمىستىق جاۋاپكەرشىلىككە تارتۋ ماسەلەسىن الىپ تاستاعان بولاتىن. سول سياقتى 2017 جىلى «اق جول» پارتياسىنىڭ ارالاسۋىمەن جالعان كاسىپكەرلەردى انىقتاۋ ماسەلەسى قارالىپ، مىڭداعان كاسىپكەر ازاماتتار تۇرمەدەن بوساتىلعان. بۇدان باسقا، 2020 جىلى «اقجولدىق» دەپۋتاتتاردىڭ ارقاسىندا 600-دەن استام كاسىپكەرلەردىڭ ۇستىنەن زاڭسىز  قوزعالعان قىلمىس توقتاتىلدى. ەلىمىزدەگى شاعىن كاسىپكەرلەردى تەكسەرۋدىڭ ءۇش جىلعا دەيىن توقتاتىلۋىنا «اق جول» پارتياسى ارالاسقانى بەلگىلى.

وسىلايشا، «اق جول» پارتياسى كوپشىلىك ورتادا ءوزىنىڭ العا قويعان ماقساتىنان اينىماي، ەلىمىزدە كاسىپكەرلىك سالانى قورعايتىن جەتەكشى ساياسي ۇيىمعا اينالدى.

(ماتەريال اقىسى «اق جول» پارتياسىنىڭ سايلاۋ قورى قارجىسى ەسەبىنەن تولەندى)