IIM avtonesieleýdiń qylmystyq shemasyn áshkereledi, dep habarlaidy Dalanews.kz.
19 qańtarda uiymdasqan qylmysqa qarsy kúres basqarmasynyń qyzmetkerleri Almaty, Shymkent qalalarynda, sondai-aq, Almaty, Batys Qazaqstan jáne Túrkistan oblystarynda áleýmettik osal azamattardyń atyna avtonesie rásimdep, keiin kólikterdi shetelge shyǵaryp otyrǵan qylmystyq toptyń qyzmetin toqtatty.
"Kúdiktiler qysym kórsetý jáne qorqytý arqyly qorǵansyz azamattardy óz atyna avtonesie rásimdeýge májbúrlegen. Tólem qabilettiligi bar degen jalǵan kórsetkish qalyptastyrý maqsatynda kúdiktiler azamattardyń bank shottaryn ýaqytsha tolyqtyryp, olardyń kredit tarihyn jasandy túrde jaqsartqan. Kúdiktiler jalǵan qujattardy paidalana otyryp, kólikterdi kepilge qoiyp, mikroqarjy uiymdarynan nesie alǵan. Osydan soń qymbat kólikter shetelde satylǵan", - dep jazylǵan habarlamada.
Qazir osyndai 15 derek anyqtalyp, ózge de epizodtar boiynsha jumys júrgizilip jatyr.
Tintý is-sharalary barysynda birneshe atys jáne sýyq qarý, oq-dáriler, qylmystyq áreketterdi rastaityn qujattar tárkilengen.
"Negizgi 6 kúdikti qamaýǵa alynyp, ýaqytsha ustaý izoliatoryna qamaldy", - dep jazylǵan habarlamada.
