Qazaqstanda Azerbaijan Airlines (AZAL) áýe kompaniiasy ushaǵynyń apatyna qatysty tehnikalyq tergeý qorytyndysy aldaǵy birneshe aida jariialanady, dep habarlaidy Dala News.
Bul týraly Úkimet kýlýarynda vitse-premer Qanat Bozymbaev málimdedi.
Onyń aitýynsha, tergeý halyqaralyq standarttarǵa sáikes júrgizilýde jáne barlyq tehnikalyq derekter arnaiy komissiianyń qorytyndy esebinde kórsetiledi.
«Halyqaralyq talaptarǵa sáikes, jaqyn ailarda Qazaqstan tehnikalyq qorytyndyny usynýy tiis. Ushaqtyń nege qulaǵany, qandai faktorlar áser etkeni – barlyǵy resmi baiandamada qamtylady», – dedi Bozymbaev.
Vitse-premerdiń sózinshe, qajetti barlyq saraptamalar alynǵan. Atap aitqanda, navigatsiialyq júieler, GPS-trekerler jáne áýe kemesin óndirýshi taraptardyń qorytyndylary daiyn.
Qazirgi tańda nátijeler arnaiy komissiia múshelerimen kelisilip jatyr. Komissiia quramyna Qazaqstan, Ázerbaijan, Resei sarapshylary, sondai-aq Embraer kompaniiasy men halyqaralyq uiym ókilderi kirgen.
Qorytyndy esep resmi túrde jariialanǵannan keiin apattyń naqty sebepteri belgili bolady.
