قازاقستاندا Azerbaijan Airlines (AZAL) اۋە كومپانياسى ۇشاعىنىڭ اپاتىنا قاتىستى تەحنيكالىق تەرگەۋ قورىتىندىسى الداعى بىرنەشە ايدا جاريالانادى، دەپ حابارلايدى Dala News.

بۇل تۋرالى ۇكىمەت كۋلۋارىندا ۆيسە-پرەمەر قانات بوزىمبايەۆ مالىمدەدى.

ونىڭ ايتۋىنشا، تەرگەۋ حالىقارالىق ستاندارتتارعا سايكەس جۇرگىزىلۋدە جانە بارلىق تەحنيكالىق دەرەكتەر ارنايى كوميسسيانىڭ قورىتىندى ەسەبىندە كورسەتىلەدى.

«حالىقارالىق تالاپتارعا سايكەس، جاقىن ايلاردا قازاقستان تەحنيكالىق قورىتىندىنى ۇسىنۋى ءتيىس. ۇشاقتىڭ نەگە قۇلاعانى، قانداي فاكتورلار اسەر ەتكەنى – بارلىعى رەسمي باياندامادا قامتىلادى»، – دەدى بوزىمبايەۆ.

ۆيسە-پرەمەردىڭ سوزىنشە، قاجەتتى بارلىق ساراپتامالار الىنعان. اتاپ ايتقاندا، ناۆيگاسيالىق جۇيەلەر، GPS-ترەكەرلەر جانە اۋە كەمەسىن ءوندىرۋشى تاراپتاردىڭ قورىتىندىلارى دايىن.

قازىرگى تاڭدا ناتيجەلەر ارنايى كوميسسيا مۇشەلەرىمەن كەلىسىلىپ جاتىر. كوميسسيا قۇرامىنا قازاقستان، ازەربايجان، رەسەي ساراپشىلارى، سونداي-اق Embraer كومپانياسى مەن حالىقارالىق ۇيىم وكىلدەرى كىرگەن.

قورىتىندى ەسەپ رەسمي تۇردە جاريالانعاننان كەيىن اپاتتىڭ ناقتى سەبەپتەرى بەلگىلى بولادى.