Májiliste Konstitýtsiialyq reformany talqylaý barysynda Respublica fraktsiiasynyń depýtaty Aitýar Qoshmambetov jańa Konstitýtsiia jobasyn eldegi saiasi júieni jańartýǵa baǵyttalǵan túbegeili sheshim dep atady, dep habarlaidy Dala News.
Depýtattyń aitýynsha, bul reforma biliktiń ishki túzetýi emes, qoǵamnyń uzaq jyldar boiy jinalǵan suranysynyń nátijesi. 2022 jylǵy referendým burynǵy 30 jyl boiy qalyptasqan saiasi modeldiń irgesin shaiqap, ózgeristerge jol ashty.
Aitýar Qoshmambetov jeke menshik quqyǵyn kúsheitý ekonomikalyq ǵana emes, saiasi senim máselesi ekenin atap ótti. Onyń pikirinshe, azamat pen biznes úshin memlekettiń basty mindeti – erejeniń ózgermeitinine kepil berý.
Jańa Konstitýtsiia osy turǵyda quqyqtyq aiqyndyqty kúsheitip, memleket pen jeke sektor arasyndaǵy shekarany naqtylaýǵa tiis.
Depýtat aýmaqtardy damytýdyń arnaiy quqyqtyq rejimderin engizý bastamasyn Qazaqstannyń jahandyq básekege beiimdelýiniń bir tetigi retinde baǵalady. Astana halyqaralyq qarjy ortalyǵynyń tájiribesi erekshe quqyqtyq rejimniń investitsiia tartýda tiimdi ekenin dáleldedi.
Alataý siti – tehnologiia, tsifrlyq aktivter men innovatsiialyq salalarǵa arnalǵan uzaqmerzimdi platforma. Qoshmambetovtiń aitýynsha, mundai jobalar ýaqytsha zańdarmen emes, Konstitýtsiialyq deńgeide qorǵalýy qajet.
Aitýar Qoshmambetov halyqaralyq sharttardyń ulttyq zańnama arqyly iske asyrylýyn memlekettiń quqyqtyq kemeldenýiniń belgisi dep atady. Qazaqstan halyqaralyq mindettemelerden bas tartpaidy, biraq olardy júzege asyrý tetigin ózi aiqyndaidy. Bul ózgeris memlekettiń egemendigin álsiretpeidi, kerisinshe jaýapkershiligin kúsheitedi.
Depýtat derbes derekter men jeke ómirdi qorǵaý Konstitýtsiialyq deńgeide bekitilýi tiis ekenin aitty. Kiberqylmystardan kelgen milliardtaǵan shyǵyn bul máseleniń tek tehnikalyq emes, saiasi sipat alǵanyn kórsetedi.
Aitýar Qoshmambetovtiń aitýynsha, jańa Konstitýtsiianyń túpki maqsaty – institýttardy nyǵaitý, senim qalyptastyrý jáne eldiń uzaqmerzimdi damýyna saiasi negiz qalaý. Respublica fraktsiiasy bul reformany qoldaý arqyly jaýapty ári zamanaýi memleket qurý jolyn tańdady.
