Aldymen shahar basshysy «IGM Corporation» JSHS jylyjaı keshenine boldy. Aýmaǵy 4 gektar jerge ornalasqan keshen jylyna 1 200 tonna kógónis óndirýge qaýqarly.
Jylyjaıǵa aqpan aıynda 102 myń túp qıar egilgen. Qazir munda 40 adam turyqty jumyspen qamtylǵan. Ónimder ishki naryq pen TMD elderine saýdalanýda.
Qala ákimi sharýa qojalyqtardy aralaý barysynda «AGR GLOBAL TRADE» JSHS sút fermasynyń qurylysymen de tanysty.
Jobanyń jalpy quny 1,1 mlrd teńge. Qarjylandyrý jeke ınvestısıa jáne asyl tuqymdy mal sharýashylyǵyn damytýdy, mal sharýashylyǵy ónimderiniń ónimdiligi men sapasyn arttyrýdy sýbsıdıalaý baǵdarlamasyna sáıkes júzege asyrylǵan.
Qazir nysannyń qurylysy aıaqtalýǵa taıady. Fermada jylyna 2 350 tonna sút jáne sút ónimderin óndirý josparlanǵan. Ónimder qala turǵyndaryna sút ónimderin qoljetimdi etý úshin ishki naryqqa saýdalanbaq.
