الدىمەن شاھار باسشىسى «IGM Corporation» ج ش س جىلىجاي كەشەنىنە بولدى. اۋماعى 4 گەكتار جەرگە ورنالاسقان كەشەن جىلىنا 1 200 توننا كوگونىس وندىرۋگە قاۋقارلى.
جىلىجايعا اقپان ايىندا 102 مىڭ ءتۇپ قيار ەگىلگەن. ءقازىر مۇندا 40 ادام تۇرىقتى جۇمىسپەن قامتىلعان. ونىمدەر ىشكى نارىق پەن تمد ەلدەرىنە ساۋدالانۋدا.
قالا اكىمى شارۋا قوجالىقتاردى ارالاۋ بارىسىندا «AGR GLOBAL TRADE» ج ش س ءسۇت فەرماسىنىڭ قۇرىلىسىمەن دە تانىستى.
جوبانىڭ جالپى قۇنى 1،1 ملرد تەڭگە. قارجىلاندىرۋ جەكە ينۆەستيسيا جانە اسىل تۇقىمدى مال شارۋاشىلىعىن دامىتۋدى، مال شارۋاشىلىعى ونىمدەرىنىڭ ونىمدىلىگى مەن ساپاسىن ارتتىرۋدى سۋبسيديالاۋ باعدارلاماسىنا سايكەس جۇزەگە اسىرىلعان.
ءقازىر نىساننىڭ قۇرىلىسى اياقتالۋعا تايادى. فەرمادا جىلىنا 2 350 توننا ءسۇت جانە ءسۇت ونىمدەرىن ءوندىرۋ جوسپارلانعان. ونىمدەر قالا تۇرعىندارىنا ءسۇت ونىمدەرىن قولجەتىمدى ەتۋ ءۇشىن ىشكى نارىققا ساۋدالانباق.
