Saltanat Núkenovanyń aǵasy Aitbek Amangeldi saiasatker Ermuhamet Ertisbaevtan resmi túrde keshirim suraýyn talap etti, - dep habarlaidy Dalanews.kz.
Áńgime Aitbek Amangeldige qatysty "qozǵalǵan qylmystyq is" týraly bolmaq. Ermuhamet Ertisbaev youtube-arnasynda Aitbek Amangeldige qatysty qylmystyq is qozǵalǵanyn aitqan bolatyn.
"Sizder úshin sensatsiia emes shyǵar, biraq Ertisbaev - ótirikshi. Maǵan qatysty "jalǵan aqparat taratqanym úshin qylmystyq is qozǵalǵany týraly" málimdemesin kórgen bolarsyzdar. Men IIM jáne Qazaqstan Respýblikasy Bas prokýratýrasynyń Quqyqtyq statistika jáne arnaiy esepke alý komitetiniń Astana qalasy boiynsha departamentine júginip, maǵan qatysty qozǵalǵan qylmystyq ister týraly aqparat berýlerin suradym. Jalpy bul is boiynsha protsessýaldy mártebe bar-joǵyn bilgim keldi. 10.06.2024 jylǵy jaǵdai boiynsha "arnaiy esepke alý" avtomattandyrylǵan aqparattyq júiesiniń derekterine sáikes maǵan qatysty qylmystyq is joq bolyp shyqty. Eger Ertisbaevtyń aitqany ras bolsa, meni kem degende jaýap alýǵa shaqyrtar edi", - deidi Aitbek Amangeldi.
Aitbek Amangeldi Ertisbaev aitqan aqparattardy teriske shyǵaryp, resmi túrde keshirim suraýyn talap etti.
"Eger olai istemese onyń is-áreketterine qatysty ar-namys pen qadir-qasietti qorǵaý týraly talap aryz jiberiledi. Sonymen qatar, politsiiaǵa aryz jazamyn. Qosymsha moraldyq ótemaqy óndirip alamyn. Jalpy Ertisbaevtan 24 saǵattyń ishinde jaýap kútemin", - dedi Aitbek Amangeldi.
Eske salaiyq, buǵan deiin Ermuhamet Ertisbaev Bishimbaev isi boiynsha alqa bilerge 200 million teńge para bermek bolǵan áiel ustalǵanyn aitqan bolatyn.
Ertisbaevtyń sózinshe, ustalǵan áiel Aitbek Amangeldiniń suhbattarynyń birinde sóz bolǵan. Aitbek Amangeldi aityp otyrǵan áiel byltyr qazanda Bishimbaev bala qaǵyp óltirgenin aitqan.
Ertisbaev bul jalǵan aqparat ekenin, IIM bul aqparatty resmi joqqa shyǵarǵanyn aitady.
Al ustalǵan áiel Bishimbaevtyń úiine deiin kelgen kórinedi. Bishimbaevtar Antikorǵa aryz jazǵan. Antikor ol áieldi ustaǵan.
«Meniń derekkózderimniń málimetinshe, ustalǵan áiel tergeýde eshqandai aqparat bermei, onyń artynda dókeiler turǵanyn aitady. Sondyqtan Bishimbaevqa qatysty sot áli aiaqtalǵan joq. Alda áli kútpegen jaittar bolady. Eger ol aqsha sottyń sheshimine áser etýge arnalǵan bolsa alqabilerdiń sheshimine kúmán kelýi múmkin. Bul tek boljam. Antikordyń bul is boiynsha resmi jaýabyn kútý kerek», - deidi Ertisbaev.
