سالتانات نٷكەنوۆانىڭ اعاسى ايتبەك امانگەلدٸ ساياساتكەر ەرمۇحامەت ەرتٸسباەۆتان رەسمي تٷردە كەشٸرٸم سۇراۋىن تالاپ ەتتٸ, - دەپ حابارلايدى Dalanews.kz.
ەڭگٸمە ايتبەك امانگەلدٸگە قاتىستى "قوزعالعان قىلمىستىق ٸس" تۋرالى بولماق. ەرمۇحامەت ەرتٸسباەۆ youtube-ارناسىندا ايتبەك امانگەلدٸگە قاتىستى قىلمىستىق ٸس قوزعالعانىن ايتقان بولاتىن.
"سٸزدەر ٷشٸن سەنساتسييا ەمەس شىعار, بٸراق ەرتٸسباەۆ - ٶتٸرٸكشٸ. ماعان قاتىستى "جالعان اقپارات تاراتقانىم ٷشٸن قىلمىستىق ٸس قوزعالعانى تۋرالى" مەلٸمدەمەسٸن كٶرگەن بولارسىزدار. مەن ٸٸم جەنە قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جەنە ارنايى ەسەپكە الۋ كوميتەتٸنٸڭ استانا قالاسى بويىنشا دەپارتامەنتٸنە جٷگٸنٸپ, ماعان قاتىستى قوزعالعان قىلمىستىق ٸستەر تۋرالى اقپارات بەرۋلەرٸن سۇرادىم. جالپى بۇل ٸس بويىنشا پروتسەسسۋالدى مەرتەبە بار-جوعىن بٸلگٸم كەلدٸ. 10.06.2024 جىلعى جاعداي بويىنشا "ارنايى ەسەپكە الۋ" اۆتوماتتاندىرىلعان اقپاراتتىق جٷيەسٸنٸڭ دەرەكتەرٸنە سەيكەس ماعان قاتىستى قىلمىستىق ٸس جوق بولىپ شىقتى. ەگەر ەرتٸسباەۆتىڭ ايتقانى راس بولسا, مەنٸ كەم دەگەندە جاۋاپ الۋعا شاقىرتار ەدٸ", - دەيدٸ ايتبەك امانگەلدٸ.
ايتبەك امانگەلدٸ ەرتٸسباەۆ ايتقان اقپاراتتاردى تەرٸسكە شىعارىپ, رەسمي تٷردە كەشٸرٸم سۇراۋىن تالاپ ەتتٸ.
"ەگەر ولاي ٸستەمەسە ونىڭ ٸس-ەرەكەتتەرٸنە قاتىستى ار-نامىس پەن قادٸر-قاسيەتتٸ قورعاۋ تۋرالى تالاپ ارىز جٸبەرٸلەدٸ. سونىمەن قاتار, پوليتسيياعا ارىز جازامىن. قوسىمشا مورالدىق ٶتەماقى ٶندٸرٸپ الامىن. جالپى ەرتٸسباەۆتان 24 ساعاتتىڭ ٸشٸندە جاۋاپ كٷتەمٸن", - دەدٸ ايتبەك امانگەلدٸ.
ەسكە سالايىق, بۇعان دەيٸن ەرمۇحامەت ەرتٸسباەۆ بيشٸمباەۆ ٸسٸ بويىنشا القا بيلەرگە 200 ميلليون تەڭگە پارا بەرمەك بولعان ەيەل ۇستالعانىن ايتقان بولاتىن.
ەرتٸسباەۆتىڭ سٶزٸنشە, ۇستالعان ەيەل ايتبەك امانگەلدٸنٸڭ سۇحباتتارىنىڭ بٸرٸندە سٶز بولعان. ايتبەك امانگەلدٸ ايتىپ وتىرعان ەيەل بىلتىر قازاندا بيشٸمباەۆ بالا قاعىپ ٶلتٸرگەنٸن ايتقان.
ەرتٸسباەۆ بۇل جالعان اقپارات ەكەنٸن, ٸٸم بۇل اقپاراتتى رەسمي جوققا شىعارعانىن ايتادى.
ال ۇستالعان ەيەل بيشٸمباەۆتىڭ ٷيٸنە دەيٸن كەلگەن كٶرٸنەدٸ. بيشٸمباەۆتار انتيكورعا ارىز جازعان. انتيكور ول ەيەلدٸ ۇستاعان.
«مەنٸڭ دەرەككٶزدەرٸمنٸڭ مەلٸمەتٸنشە, ۇستالعان ەيەل تەرگەۋدە ەشقانداي اقپارات بەرمەي, ونىڭ ارتىندا دٶكەيلەر تۇرعانىن ايتادى. سوندىقتان بيشٸمباەۆقا قاتىستى سوت ەلٸ اياقتالعان جوق. الدا ەلٸ كٷتپەگەن جايتتار بولادى. ەگەر ول اقشا سوتتىڭ شەشٸمٸنە ەسەر ەتۋگە ارنالعان بولسا القابيلەردٸڭ شەشٸمٸنە كٷمەن كەلۋٸ مٷمكٸن. بۇل تەك بولجام. انتيكوردىڭ بۇل ٸس بويىنشا رەسمي جاۋابىن كٷتۋ كەرەك», - دەيدٸ ەرتٸسباەۆ.
