Májilis depýtaty Ashat Aimaǵambetov salyq kodeksine qatysty birqatar shikilik baryn aitty, - dep habarlaidy Dalanews.kz.
Depýtattyń sózinshe, qazirgi tańda Salyq kodeksiniń jobasy talqylaýda.
"Jobada azamattar úshin qolaisyz birqatar normalar bar. Ómirlik mańyzy bar taýarlar men qyzmetterdiń qymbattaýyna ákeletini týraly osy normalar boiynsha qyzý pikirtalas ótýde", - deidi depýtat.
Birinshisi - bilim.
"Korporativtik salyqty engizý jeke menshik ýniversitetterdiń, mektepter men balabaqshalardyń baǵasynyń ósýine ákelýi múmkin. Kásipker óz paidasyn qaitse de saqtap qalýǵa tyrysady, sondyqtan jańa salyq engizilse, ol qyzmettiń qunyn ósirý arqyly sheshimin tabýy ábden yqtimal".
Ekinshisi - dári-dármekter.
Dári-dármekter men olardyń óndirisine qajetti materialdardy QQS (NDS) tóleýden bosatylǵan taýarlar tiziminen alyp tastaý olardyń qymbattaýyna alyp keledi. Bul, ásirese, turaqty meditsinalyq qoldaýdy qajet etetin azamattarǵa aýyr tiedi. Zeinetkerler men múgedektigi bar azamattarǵa bul qiyndyq týdyrýy múmkin.
Úshinshisi - meditsinalyq qyzmetterdiń qymbattaýy.
Meditsinalyq qyzmetterge QQS engizý olardyń qymbattaýyna alyp kelýi múmkin.
"Bul kodeks qarapaiym halyqqa qosymsha qarjylyq júkteme ákelmeýi tiis. Sondyqtan qajetti túzetýlerdi usyndyq", - deidi Aimaǵambetov.
